via အလင်းရောင် ဓမ္မ https://ift.tt/2QpmON7
Sunday, September 22, 2019
စေတနာကောင်းလျှင် ကံကောင်းသည် 🍁🍁🍁🍁🍁🍁🍁 အပိုင်း(၂) 🍀🍀🍀🍀 ဘယ်မှာ အဆင်းရဲဆုံးပုဂ္ဂိုလ်လဲ ဆိုတော့ ဗာရာဏသီမြို့မှာ အဆင်းရဲဆုံး ပုဂ္ဂိုလ်၊ တစ်နေ့လုပ်မှ တစ်နေ့စားရတော့ အင်မတန်မှ ဆင်းရဲတဲ့လူတစ်ယောက်လို့ ဒီလိုသတ်မှတ်ခဲ့တာ။ သို့သော် စိတ်နေ သဘောထားတွေ ကောင်းသည့်အတွက် စေတနာ ကောင်းလို့ သူဟာ ကံကောင်းသွားတယ်။ ကံကောင်းလို့ အကျိုးပေးကောင်းသွားတယ်။ နာမည်ကတော့ 'မဟာဒုဂ္ဂတ' ဆိုတဲ့ နာမည်ဆိုးနဲ့ ကျန်ရစ်တယ်။ တကယ်တော့ သူဟာ ကံကောင်းတဲ့ ပုဂ္ဂိုလ်တစ်ယောက် ဖြစ်သွားတယ်။ ဒီဇာတ်လမ်းကို အားလုံးသိကြတဲ့အတိုင်းပဲ 'ကဿပမြတ်စွာဘုရား' လက်ထက်က ပဏ္ဍိတသာမဏေရဲ့ အတိတ်ဘဝတစ်ခု၊ ဗာရာဏသီသို့ ရဟန္တာ နှစ်သောင်းခြံရံပြီး ကဿပဗုဒ္ဓကြွလာတယ်။ အဲဒီအချိန်မှာ လူတွေရဲ့ အသက်က အနှစ် နှစ်သောင်းရှည်တယ်။ အသက် နှစ်သောင်းတန်းဆိုတော့ လူတော်လူကောင်းတွေများတယ်။ ဂေါတမဗုဒ္ဓ လက်ထက်ရောက်တဲ့အခါ ခေတ်ကာလ အရ လူဆိုးတွေက များတယ်။ ကောင်းတဲ့သူ လေးပုံပုံ တစ်ပုံလောက်ပဲ ရှိတော့တယ်။ ကဿပ ဘုရား လက်ထက်တုန်းကတော့ လူကောင်းတွေ အင်မတန်များတယ်လို့ ဆိုတယ်။ အဲဒီတုန်းက ဗာရာဏသီပြည် ကြွလာတဲ့ကဿပဗုဒ္ဓက ပရိသတ်ထဲမှာ တရားဟောတော်မူတယ်။ စေတနာအားလျော်စွာ ကံတရားရဲ့ အကျိုး ပေးမှုကို သရုပ်ပေါ်အောင် ဟောတယ်။ "လူတစ်ယောက်ဟာ ကိုယ်တိုင်လှူတယ်။သူများကို မတိုက်တွန်းဘူး။ လူတစ်ယောက်ကတော့ သူများသာ တိုက်တွန်းတယ်။ ကိုယ်ကိုယ်တိုင်တော့ မလှူဘူး။ လူတစ်ယောက်ကတော့ ကိုယ်ကိုယ်တိုင် လည်း မလှူဘူး၊ သူများကိုလည်း မတိုက်တွန်းဘူး။ နောက်တစ်ယောက်က ကိုယ်တိုင်လည်း လှူတယ်၊ သူတစ်ပါးလည်း တိုက်တွန်းတယ်။ အဲဒီလို အမျိုး အစား လေးမျိုးရှိတယ်။" ကနေ့ခေတ်မှာလည်းဒီအတိုင်းပဲ။ ကိုယ်တော့ လှူတယ်။ သူများကိုတော့ မတိုက်တွန်းဘူးဆိုတဲ့ ပုဂ္ဂိုလ်လည်း ရှိတာပဲ။ အေး သူများတော့ အလှူခံတယ်၊ ကိုယ်ကတော့ မလှူဘူးဆိုတဲ့ လူကလည်းရှိတာပဲ။ ကိုယ်လည်း မလှူဘူး၊ သူများလည်း အလှူ မခံဘူး ဆိုတဲ့လူလည်း ရှိတယ်။ ကိုယ်လည်းလှူတယ်၊ သူများလည်း အလှူခံတယ်၊ တိုက်တွန်းပေးတယ်ဆို တဲ့ ပုဂ္ဂိုလ်မျိုးလည်း ရှိတယ်။ အဲဒီလို လုပ်ရပ်လေးမျိုး ကွဲပြားနေသည့် အတွက်ကြောင့် သူတို့ဟာ မတူညီတဲ့ အကျိုးကို ရကြတယ်။ မတူညီတဲ့ အကျိုးဆိုတာ ဘာလဲ။ ကိုယ့်ရှိတာကို လှူတဲ့ပုဂ္ဂိုလ်ဟာ လှူခြင်းကြောင့် ဖြစ်လေရာ ဘဝမှာ စည်းစိမ်ဥစ္စာ များပြားတယ်ဆိုတဲ့ အကျိုးကို ရတယ်။ ဘာဖြစ်လို့တုန်းဆိုတော့ ကံရဲ့ သဘောတရား ကို တုန့်ပြန်မှုလို့ ခေါ်တယ်။ ကိုယ်လုပ်တဲ့ကံဟာ ကိုယ့်ဆီ တုန့်ပြန်လာတာပဲ။ ကိုယ်လုပ်တဲ့ကံက သူတစ်ပါးကို ရစေတာဖြစ်လို့ သူတစ်ပါးကို ရစေတဲ့ ဒါနကောင်းမှုသည် ကိုယ့်ကို ပြန်ရစေတယ်ဆိုတဲ့အကျိုး တုန့်ပြန်ပေးတယ်။ သူတစ်ပါးကို “လာပါ၊လှူကြရအောင်၊ လှူပါ” တိုက်တွန်းတဲ့ ပုဂ္ဂိုလ်ကျတော့ ကိုယ်က တိုက်တွန်းလို့ အခြားသူတစ်ယောက် ကုသိုလ်ကောင်းမှု လုပ်ဖြစ် သွားတယ်။ သူဟာ ကိုယ်နဲ့မိတ်ဖက် ဖြစ်သွားတယ်။ တိုက်တွန်းလို့လှူဖြစ်သွားတော့ ကုသိုလ်ကောင်းမှုတွေ လုပ်ဖြစ်သွားတဲ့ ပုဂ္ဂိုလ်တစ်ယောက်ဟာ ကိုယ်ရဲ့ မိတ်ဆွေ အပေါင်းအသင်း ဖြစ်သွားတယ်။ ဒါကြောင့် သူများကို တိုက်တွန်းပေးခြင်းအားဖြင့် မိတ်ဆွေ အပေါင်းအသင်းတွေ များတယ်။ အဲဒီနေရာမှာ လှူရင် စည်းစိမ်ဥစ္စာကို ရတယ်။ တိုက်တွန်းလို့ရှိရင် အပေါင်းအသင်းတွေ ရတယ်။ အဲဒီတော့ အဲဒါကို ပြောင်းပြန် ပြန်ပြီးတော့ ကြည့်လိုက်တဲ့အခါ မလှူဘူးဆိုလို့ရှိရင် ဖြစ်လေရာ ဘဝမှာ ပစ္စည်းဥစ္စာ ရရှိမှု မရှိဘူး။ မတိုက်တွန်းဘူး ဆိုရင် မိတ်ဆွေ မရှိဘူး၊ မိတ်ဆွေကောင်းမရဘူး။ အဲဒီ လေးချက်ကို မြတ်စွာဘုရားက ဟောတာ (၁) လှူသာလှူပြီး မတိုက်တွန်းဘူးဆိုရင် ဖြစ်လေရာ ဘဝမှာ ချမ်းသာကြွယ်ဝသော်လည်း အပေါင်းအသင်း အခြံအရံ နည်းတယ်။ (၂) တိုက်တွန်းသာ တိုက်တွန်းပြီး ကိုယ်တိုင် မလှူဘူးဆိုရင် ဖြစ်လေရာဘဝမှာ အပေါင်းအသင်းအခြံအရံများသော်လည်း ပစ္စည်းဥစ္စာ ရှားပါးတယ်။ (၃) လှူလည်း မလှူဘူး၊ တိုက်လည်း မတိုက် တွန်းဘူးဆိုတဲ့ ပုဂ္ဂိုလ်ဟာ ဖြစ်လေရာဘဝမှာ ဆင်းရဲ တယ်။ တစ်ကိုယ်တည်းနေရတဲ့ ဘဝမျိုး ရောက်တယ်။ (၄) လှူလည်း လှူတယ်၊ တိုက် တိုက်တွန်းတယ်ဆိုတဲ့ ကုသိုလ်နှစ်မျိုးလုံး စုံအောင်လုပ်တဲ့ပုဂ္ဂိုလ်က ဖြစ်လေရာဘဝမှာ ပစ္စည်း ဥစ္စာလည်းရတယ်။ မိတ်ဆွေအပေါင်းအသင်းလည်းများတယ်ဆိုတဲ့ အကျိုးကိုရတယ်။ အဲဒီလိုလှူခြင်းရဲ့အကျိုးကျေးဇူးနဲ့ တိုက်တွန်းခြင်းရဲ့ အကျိုးကျေးဇူး ဒီနှစ်ခုကို ကဿပဘုရားက ပရိတ်သတ်မှာဟောလိုက်တာ။ တရားနာ ပရိသတ်ထဲက အသိပညာကြွယ်ဝတဲ့ ပုဂ္ဂိုလ်တစ်ယောက်က စိတ်ဝင်စားတယ်။ "ငါဟာ ဖြစ်လေရာဘဝမှာ ပစ္စည်းဥစ္စာကြွယ်ဝပြီး အပေါင်းအသင်းများတဲ့ ပုဂ္ဂိုလ်ဖြစ်အောင် လုပ်မယ်။ အကျိုးနှစ်မျိုးရအောင် လုပ်မယ်"လို့ဆိုပြီး သူက သူကိုယ်တိုင်လည်း လှူတယ်။ တိုက်လည်း တိုက်တွန်းတယ်ဆိုတဲ့ အလုပ်ကို လုပ်တယ်။ တရားပွဲပြီးတဲ့အခါ မြတ်စွာဘုရားကို လျောက်တယ်။ "အရှင်ဘုရား မနက်ဖြန်ကြွလာတဲ့ သံဃာတွေကို ဆွမ်းလှူပါရစေ။” သံဃာကလည်း နှစ်သောင်း ရှိတယ်။ “ဘယ်နှစ်ပါး တာဝန်ယူမှာလဲ" ဆိုတော့ “ရှိသမျှ သံဃာကုန် သူတာဝန်ယူပါ့မယ်” သို့သော် အဲဒီလူက သံဃာနှစ်သောင်းလုံးကို သူတတ် နိုင်တာတော့ မဟုတ်ဘူး။ သူက စိတ်ကူးရလို့ အားလုံးကို ပင့်လိုက်တယ်။ ပင့်ပြီးတဲ့အခါမှာ အရပ်ထဲ လိုက်လံနှိုးဆော်တယ်၊ တိုက်တွန်းတယ်။ “သံဃာ နှစ်သောင်း နက်ဖြန်ခါ ဆွမ်းစားပင့်ထားတယ်။ ကိုယ် တတ်နိုင်သလောက် ဆွမ်းလှူဒါန်းကြပါ”လို့ လိုက်ပြီး တိုက်တွန်းတယ်။ သဒ္ဓါတရားရှိတဲ့ လူတွေက လက်ခံ ကြတယ်။ အပါး(၂၀) တာဝန်ယူမယ်၊ (၁၀)ပါး တာဝန် ယူမယ်နဲ့ ကိုယ်တာဝန်ယူနိုင်တဲ့ အတိုင်းအတာ တစ်ခုအရ လူတွေဟာ အသီးသီး တာဝန်ယူကြတယ်။ နှိုးဆော်သူက အားလုံးကို စာရင်း မှတ်ထားလိုက်တယ်။ နောက် ဗာရာဏသီမြို့မှာ အလွန်ဆင်းရဲတဲ့ လူတစ်ယောက်နဲ့ တွေ့တဲ့အခါ အဲဒီလူရဲ့ ဘဝကို သူသနားတယ်။ သနားတယ်ဆိုတာ “မရှိလို့ မလှူ မလှူလို့မရှိ”ဆိုတဲ့ သံသရာထဲက သူ ထွက်မှာ မဟုတ်ဘူး။ ဒီလို အခွင့်ကောင်း ရတဲ့အချိန်လေးမှာ သူလည်း လှူသင့်တယ်ဆိုပြီး သူ့ကို တိုက်တွန်းတယ်။ ပထမ အဲဒီလူက သူ့မှာ ဘာမှ မရှိတော့ငြင်းတယ်။ နိုးဆော်သူက “ခင်ဗျား မရှိလို့မလှူ မလှူလို့ မရှိဆိုရင် ဘယ်တော့မှ ရှိမှာ မဟုတ်ဘူး။ ဘာပဲဖြစ်ဖြစ် ကိုယ် တတ်နိုင်တဲ့ လုပ်အားနဲ့ အလုပ်လုပ်ပြီး လှူပါလား။ တစ်ပါးတတ်နိုင် တစ်ပါး၊ နှစ်ပါးတတ်နိုင် နှစ်ပါး လှူပါလား”လို့ တိုက်တွန်းတယ်။ နောက်တော့ လူဆင်းရဲက စိတ်ပါသွားတယ်။ “ဟုတ်သားပဲ။ ငါမှာ ခြေလက်ရှိတာပဲ။ ကိုယ့်အား ကိုယ်ကိုး အလုပ်လုပ်လိုက်လို့ရှိရင် ဆွမ်းတစ်နပ်တော့ တတ်နိုင်မှာပဲ” လို့ တွေးမိပြီး ရဟန်းတစ်ပါးအတွက် တာဝန်ယူလိုက်တယ်။ အိမ်ပြန်ပြီး အမျိုးသမီးနဲ့တိုင်ပင် တဲ့အခါ အမျိုးသမီးက မငြင်းဘူး။ စိတ်စေတနာ ကောင်းတယ်။ “အတိတ်ဘဝတုန်းက ကျွန်မတို့ ဘာမှမလှူခဲ့လို့ ဒီဘဝဆင်းရဲတယ်။ အဲဒီတော့ ဖြစ်တဲ့နည်းနဲ့ ကျွန်မတို့ အလုပ်ပိုလုပ်ပြီး လှူကြရအောင်”။ အိမ်ကအမျိုးသမီးက သဒ္ဓါတရားထက်ထက် နဲ့ အဲဒီလိုပြောတော့ စိတ်အားတွေပိုပြီး တက်ကြွ တယ်။ တက်တက်ကြွကြွ အလုပ်တွေလုပ်တယ်။ သူဌေးအိမ်သွားပြီး ထင်းခွဲတဲ့ အလုပ် လုပ်တယ်။ လေတချွန်ချွန် သီချင်းတအေးအေးနဲ့ လုပ်တယ်။ သူဌေးကြီးက အကဲခတ်ပြီး “မင်း ဒီနေ့ တယ် အလုပ်တွေ ကြိုးစားပါလား” လူဆင်းရဲက ပြောတယ်၊ “ကျွန်တော် တစ်ခြားကြောင့် မဟုတ်ဘူး။ နက်ဖြန်ခါ သံဃာတစ်ပါး ဆွမ်းကပ်ဖို့ ကျွန်တော် တာဝန်ယူထား တယ်။ ဒါကြောင့် ကြိုးစားတာ။” သူ့စေတနာက ဘယ်လောက်ကောင်းသလဲ ဆို ဒါအတွက် ပင်ပန်းခံပြီးတော့ လုပ်တာ။ သူဌေးကြီး လည်း သူ့စေတနာကိုသဘောကျပြီး သူ့ကို လုပ်အားခ ပိုပြီးပေးတယ်။ လုပ်အားခ အနေနဲ့ ဆန်တစ်ပြည်၊ နောက်ထပ် ဆန်တစ်ပြည် အပိုပေးတယ်။ ဆွမ်းကပ်ဖို့ အတွက် ဆန်အလုံအလောက် ရလာတယ်။ အိမ်က ဇနီးကလည်း မောင်းထောင်း ဆန်ပြာတဲ့အလုပ်ကို ကြိုးစားလုပ်တယ်။ ပိုက်ဆံချမ်းသာသူတွေက သူကြိုးကြိုးစားစား လုပ်နေတာကို ကြည့်ပြီးမေးတော့ သူ သံဃာတစ်ပါး တာဝန်ယူထားတယ်။ ဆွမ်းကပ်မယ်ဆိုတော့ အဲဒါနဲ့တင်ပဲ သဘောကျပြီး သူ့ကိုလည်း ရက်ရက်ရောရော လုပ်အားခ ပေးကြ တယ်။ သူတို့ ဇနီးမောင်နှံနှစ်ယောက် ရတဲ့ လုပ်ခနဲ့ ဆွမ်းကပ်ဖို့ရာ အဆင်ပြေသွားတယ်။ ဆွမ်းအတွက် ဖူလုံသွားပြီ။ ဟင်းအတွက် ရှာမယ်ဆိုပြီး မြစ်ကမ်းခြေ သွားတယ်။ အဲဒီမှာ အလုပ်တစ်ခု ရလာတယ်။ တံငါတွေက ဖမ်းပြီး ငါးတွေကို သောင်ပြင်ပေါ်မှာ ထားကြတယ်။ သူ့ကို မြင်တဲ့အခါ “မင်း အလုပ်လုပ်မလား။ ငါတို့ ခိုင်းစရာ ရှိတယ်”ဆိုတော့ “လုပ်မယ်၊” သူက ကျပန်းအလုပ် သမားကိုး။ ဘာခိုင်းခိုင်း လုပ်မယ်ဆိုတော့ ငါးတွေ ရွေးချယ်ပြီး အရွယ်တူတဲ့ ငါးတွေကို အတွဲတစ်တွဲ တွဲ၊ အကောင်ကြီးတာတွေ တစ်တွဲစီတွဲ၊ ကြိုးနဲ့ချည်ပြီး ငါးတွေကို သီခိုင်းတာပေါ့။ သူက ကြိုးကြိုးစားစား ငါးတွဲတွေကို စံနစ်တကျတွဲတယ်။ မြို့ထဲကလူတွေကလည်း ဆွမ်းကပ်ဖို့ အဲဒီနေ့ မှာ ကမ်းနားဆင်းပြီး ငါးတွေဝယ်ကြတယ်။ သူတွဲထား သမျှ ငါးတွေအကုန်လုံး ရောင်းလို့ ကုန်သွားတယ်။ သူ့လုပ်အားခ ပေးစရာငါး မကျန်တော့ဘူး။ မကျန်တဲ့ အခါမှာ တံငါသည်တွေက ငါးကြင်းတစ်ကောင်ကို အိမ်စားဖို့ဆိုပြီး သဲထဲဖွက်ထားတာ ရှိတယ်။ အဲဒီငါးကို ပဲ လုပ်အားခအနေနဲ့ ပေးလိုက်ကြတယ်။ ငါးကြင်း တစ်ကောင် လုပ်အားခ ရသွားတယ်။ အဲဒါနဲ့ အိမ်မြန်မြန်ပြန်ပြီး ချက်ပြုတ်တာပေါ့။ သူ့ရဲ့ စိတ်စေတနာတွေက အဲဒီအချိန်မှာ တက်ကြွနေ တာ၊ ဒါပေမဲ့ ဘယ်ရဟန်းကို သူ ဆွမ်းကပ်ရမယ် ဆိုတာ မသိဘူး။ ရဟန်းတစ်ပါးကို ဆွမ်းကပ်မယ်ဆိုတဲ့ ရည်ရွယ်ချက်နဲ့ သူဟာ ကြိုးစားတာ။ အဲဒီလိုနဲ့ နောက်ရက် နံနက်မှာ တိုက်တွန်း နှိုးဆော်တဲ့လူက ဆယ်ပါး၊ အပါးနှစ်ဆယ်၊ လေးဆယ်၊ ငါးဆယ်ယူတဲ့လူတွေ အကုန်လုံး စာရင်းအတိုင်း ပေးလိုက်တယ်။ သံဃာတွေ ပင့်ပင့်သွားလိုက်ကြတာ သံဃာနှစ်သောင်း တစ်ပါးမှ မကျန်အောင် ကုန်သွား တယ်။ “သူ့အတွက် သံဃာ ဘယ်မှာလဲ”လို့ သွားမေး တယ်။ သူ့အတွက် တစ်ပါးတည်းမို့ စာရင်းမတင်မိဘူး၊ သူ့အတွက် သံဃာမကျန်တော့ဘူး။ “ငါမေ့သွားတယ်။ မင်းအတွက် မလုပ်မိဘူး။” သူက တိုက်သာ တိုက်တွန်း လိုက်ရတာ၊ ဒီကောင် ဆင်းရဲသားဆိုတော့ လုပ်နိုင်မှာ မဟုတ်ဘူးဆိုတဲ့စိတ်နဲ့ ခပ်ပေါ့ပေါ့ဖြစ်ပြီး စာရင်း မှတ်မထားမိလို့ သူ့အတွက် သံဃာမရ ဖြစ်သွားတယ်။ အဲဒီ သံဃာမရခြင်းဟာ သူ့ အတွက် ကံကောင်းဖို့ ဖြစ်လာတယ်။ အဲဒီအချက်ကို ယူပြီး တော့ ဒီနေ့မနက်မှာ မဟာဒုဂ်မြသပိတ် မဲဖောက် နေကြတာပဲ။ သူဟာ ကံကောင်းသူ တစ်ယောက် ဖြစ်သွားတယ်။ ဆက်ရန် အဂ္ဂမဟာပဏ္ဍိတ ဒေါက်တာအရှင် နန္ဒမာလာဘိဝံသ။ စေတနာကောင်းလျှင်ကံကောင်းသည် တရားဒေသနာတော်မှ...... Crd; KhaingKhaing