မလှူချင်တာလား မယူချင်တာလား-? *************************** ဖတ်ကြည့်နော်… လှူချင်ပေမဲ့ မလှူနိုင်ဘူး တဲ့။ ဒါဆိုရင်… သာသနာနဲ့ တွေ့မှ ပိုက်ဆံရှိမှ ကုသိုလ်ရမှာလား-? ဒါန သီလ သမထ ဘာဝနာ လုပ်ဖို့က ပိုက်ဆံလိုလို့လား-? ဘုရားရှင်က… ပိုက်ဆံချမ်းသာမှ ကုသိုလ်ရမယ်လို့ ဟောထားတာ တွေ့ဘူးလား-? ကြားဘူးလား-? ကိုယ့်အိမ်မှာ… ညမိုးချုပ်တာနဲ့ သောက်တော်ရေချမ်း ပန်း ( ပန်းဖိုးမတတ်နိုင်လျှင် နီးစပ်ရာ သစ်ပင်မှ အညွှန့် သစ်ခက် ရရာတစ်ခုခုကို ပန်းအမှတ်နဲ့ လှူစမ်းပါ ) ပိုက်ဆံနဲ့ ဝယ်လှူလည်း ဒီလိုကုသိုလ်ပဲ ရတာပါ။ အဲဒါ ဒါနကုသိုလ်ပါ။ ပြီးရင် ငါးပါးသီလ ဆောက်တည်ပါ။ အဲဒါ သီလကုသိုလ်ပါ။ ဘုရားဂုဏ်တော် တရားဂုဏ်တော် သံဃာ့ဂုဏ်တော် ပွားများပါ။ အဲဒါ သမထကုသိုလ်ပါ။ ပြီးရင် ဝိပဿနာဘာဝနာကို မိမိစွမ်းနိုင်သလောက် အားထုတ်ပါ။ အဲဒါ ဝိပဿနာကုသိုလ်ပါ။ သာသနာတော်ရဲ့ အမြင့်ဆုံးကုသိုလ်ဟာ… ဝိပဿနာကုသိုလ်ပါ။ အဲဒီကုသိုလ်ရဖို့ ပိုက်ဆံ လိုလို့လား-? ဒါန သီလ သမထ ဝိပဿနာ ကုသိုလ် လေးမျိုးလုံးကို မိမိအိမ်မှာ နေရင်းနဲ့  ပိုက်ဆံတစ်ပြားမှ မကုန်ပဲ အကုန်ရပါတယ်။ ဒါကိုပဲ မရှိလို့ မလှူနိုင်ဘူးလို့ ညည်းနေရင်… မလှူနိုင်တာလား မလှူချင်တာလား ဆိုတာ ကိုယ့်ကိုယ်ကို သေသေချာချာ ပြန်မေးပါလို့ သတိပေးလိုက်ပါရစေ… Credit-ဦးမြင့်ခိုင် မေတ္တာဖြင့်… အရှင်ပုည( ဝကုန်း )

via အလင်းရောင် ဓမ္မ https://ift.tt/2ln94Uu