အလင်းရောင် ဓမ္မ: ❝ မိမိစေတနာကံက ဖန်တီးသော ဘဝပုံရိပ်လွှာများ ❞ ^^^^^^^^^^^^^^^^^^^^^^^ တစ်ခါတစ်ခါ စဉ်းစားကြည့်ရင် ကံတရားဟာ … တစ်ကမ္ဘာလုံးမှာရှိတဲ့ လူတွေ တစ်ယောက်နဲ့တစ်ယောက် မတူအောင် စီမံထားတယ်။ တူတဲ့နေရာမှာတူပေမယ့် မတူတဲ့နေရာတွေက အများကြီးရှိတယ်။ ဒါကြောင့် ဗုဒ္ဓဘုရားရှင်က - "ကမ္မံသတ္တေဝိဘဇ္ဇ" လို့ ဟောတော်မူတာပဲ။ မိမိကိုယ်ကို မကောင်းအောင် လုပ်တာ ဘယ်သူလဲ ? မိမိအလုပ် မိမိကိစ္စ ကံပဲ။ ဘေးရန်အန္တရာယ်တွေဖြစ်အောင် ဘယ်သူလုပ်သလဲ ? မိမိပြုလုပ်တဲ့ကံက လုပ်တာပဲ။ ဥပမာ- ဧရာဝတီမြစ်ကြီးရှိတယ်။ ဒီမြစ်ကြီးက ကုန်းပေါ်နေတဲ့သူကို ရေနစ်အောင် မလုပ်နိုင်ပါဘူး။ မြစ်ထဲဆင်းတဲ့သူကို ရေနစ်စေနိုင်တယ်။ ဒီအတိုင်းပဲ … ဘေးရန်အန္တရာယ်တွေရှိပေမယ့်လည်း အလုပ်ကောင်းသူ၊ ကံကောင်းရှိသူ အန္တရာယ်မဖြစ်စေနိုင်ပါဘူး။ ကံကောင်းမရှိသူသာ ဘေးရန်ဖြစ်နိုင်တယ်။ ဒါကြောင့်… မကောင်းကျိုးကို ဖြစ်စေတတ်တဲ့ မိမိရဲ့လုပ်ရပ်ညံ့၊ စေတနာညံ့ ကံညံ့ ကံယုတ်များကိုသာ ကြောက်စရာလိုတယ်။ ဘေးရန်အန္တရယ်တွေ ကြောက်စရာမလိုပါဘူး။ ဂြိုလ်ကြီးရှစ်လုံး ပူးပူး၊ မပူးပူး ဇာတိဇရာ မရဏစတဲ့ ဘေးရန်တွေ သတ္တဝါတိုင်း… တွေ့နေကြရတယ်။ သံသရာကျင်လည်ခိုက်မှာ မကောင်းမှုကံ ပါလာလို့ သံသရာဒုက္ခ ခံကြရတယ်။ ကောင်းမှုကံပါလို့ စံစရာလေး စံကြရတယ်။ ဘေးရန်တွေက - မိမိမှာ ဖြစ်လာတာမဟုတ်ဘူး။ ကိုယ့်ရဲ့ မကောင်းတဲ့စိတ်ကြောင့် မကောင်းတဲ့အကျိုးတွေ ဖြစ်နေကြရတာ။ ငရဲကြီးရှစ်ထပ် ရှိနေပေမယ့်… ဘယ်သူ့ကိုမှ လာမခေါ်ပါဘူး။ ကိုယ့်ရဲ့ မကောင်းတဲ့စိတ်ကသာ ငရဲကြီးရှစ်ထပ်ရှိရာကို ခေါ်သွားနိုင်တယ်။ .................................................... ပါမောက္ခချုပ်ဆရာတော် #ဒေါက်တာနန္ဒမာလာဘိဝံသ 🙏🙏🙏