via အလင်းရောင် ဓမ္မ https://ift.tt/2Qft9e7
Monday, September 16, 2019
"ဘုရားကို စေတီကွယ်တတ်တယ်" "တရားကို စာအုပ်ကွယ်တတ်တယ်" "သံဃာကို ဘုန်းကြီးကွယ်တတ်တယ်" ဘုရားကို စေတီကွယ်တတ်တယ်.. စေတီလောက်နဲ့ ဘုရားလုပ်နေမိတတ်တယ်.. စေတီကို ဉာဏ်နဲ့ထိုးဖောက် သက်တော်ထင်ရှားမြတ်စွာဘုရား အသိဉာဏ်နဲ့ အာရုံယူ ဉာဏ်ထဲဘုရားပေါ်လာခါမှ ရှိခိုးပါ.. ပူဇော်ပါ..လှူဒါန်းပါ..ဆည်းကပ်ပါ..ကိုးကွယ်ပါ။ တရားကို စာအုပ်ကွယ်တတ်တယ်.. စာအုပ်လောက်နဲ့ တရားလုပ်နေမိတတ်တယ်.. ကျင့်သုံးရမည့်တရားအထိ မရောက်ပဲဖြစ်နေတတ်တယ်.. စာအုပ်ကို ဉာဏ်နဲ့ထိုးဖောက် တရားအသိ ဉာဏ်ထဲရောက်အောင် အာရုံယူ လက်တွေ့သုံးစရာကို လက်တွေ့ဖြစ်အောင် ကျင့်သုံး.. မဂ်ဖိုလ်နိဗ္ဗာန်ကို ဦးတည်ပြီးတော့ ကျင့်သုံးပါ။ သံဃာကို ဘုန်းကြီးကွယ်တတ်တယ်.. ကိုယ်နဲ့ရင်းနှီးတဲ့ ဆွေမျိုးဘုန်းကြီးလောက်နဲ့ သံဃာလုပ်နေမိတတ်တယ်.. ကုသိုလ်မရဘူးတော့ မဟုတ်ပါဘူး.. အရနည်းတာပေါ့.. ရတနာကုသိုလ်အထိ မရတာပေါ့.. ဘုန်းကြီးကို ဉာဏ်နဲ့ထိုးဖောက် အရိယာသံဃာရဲ့ဂုဏ်အထိ ဉာဏ်နဲ့ပေါ်အောင်ဖော်.. အရိယာသံဃာရဲ့ဂုဏ်ပေါ်လာခါမှ ရှိခိုးပါ.. ပူဇော်ပါ..လှူဒါန်းပါ..ဆည်းကပ်ပါ..ကိုးကွယ်ပါ။ တိပိဋကယောဆရာတော်ဘုရားကြီး 💥💥💥 မေတ္တာဖြင့် #LaWarSo