သေနည်းသင်တန်း တက်ထားပါ ************************ ဖတ်ကြည့်နော်… ဘဝသံသရာမှာ မျောပါနေကြတဲ့ သူသူငါငါ သတ္တဝါတွေအတွက် သေနည်းသင်တန်းကို ပြောပြမယ်။ သေနည်းသင်တန်း တက်ထားဖို့ လိုပါတယ်။ ဒါ အရေးကြီးဆုံးပဲ။ လူတိုင်းတစ်နေ့မှာ…မုချ သေရမှာ မလွဲဘူး။ ကြောက်ဖို့ မလိုပါဘူး။ ကြောက်လို့လည်း မရဘူး။ ကြိုတင် ပြင်ဆင်ထားလို့ရအောင် သေနည်းသုံးမျိုး ပြောပြမယ်နော်… ၁။ငါတော့…ဒီတောင်က မကျော်တော့ဘူး လို့ ကိုယ့်ဟာကိုယ် သိလာပြီဆိုလျှင် အနားမှာ ဘယ်သူမှ မလာစေနှင့်။ မိမိတစ်သက်တာအတွင်း ပြုလုပ်ဘူးတဲ့ အလှူတွေကို စဉ်းစားကြည့်။ ဒါနကို လူတိုင်း လုပ်ဘူးကြတာချည်းပဲ။ တန်ဖိုး နည်းတာ များတာ လိုရင်း မဟုတ်ဘူး။ ဒုဋ္ဌဂါမဏိ မင်းကြီးလို မိမိစိတ် အကြည်လင်ဆုံး အကျေနပ်ဆုံး အလှူတစ်ခုကိုပဲ ဆင်ခြင်နေ။ ၂။ဒါမှမဟုတ် ကိုယ်ရှုမှတ်နေကျ ဘာဝနာ တစ်ခုခုကို နှလုံးသွင်းနေ။ ဒါမှ မဟုတ်ရင်လဲ (၃)ရောဂါက ပြင်းထန်လို့ ဆေးတွေလွန်နေလို့ သတိမရတစ်ချက် ရတစ်ချက် ကယောင်ကတမ်း ဖြစ်တယ်ပဲ ထား သတိရလာတာနဲ့ ဗုဒ္ဓံ သရဏံ ဂစ္ဆာမိ ဓမ္မံသရဏံ ဂစ္ဆာမိ သံဃံသရဏံ ဂစ္ဆာမိ ရွတ်နေ။ ဒါက လူတိုင်း ရပြီးသားပါ။ ဒီ( ၃ )နည်း တစ်နည်းနည်းနှင့် သေရင် အနည်းဆုံး နတ်ပြည်ရောက်မှာ သေချာပါတယ်။ ကျေးဇူးရှင် နယ်ခြားတောင်တန်း သာသနာပြု ဆရာတော်ဘုရားကြီး အရှင်ဥတ္တမသာရ။ Credit မေတ္တာဖြင့်… အရှင်ပုည( ဝကုန်း )

via အလင်းရောင် ဓမ္မ https://ift.tt/2HhCoDF