အလငျးရောငျ ဓမ်မ: "ဗုဒ္ဓဘုရားရှင်"လက်ထက် "လူဝတ်ကြောင် ဘဝ"နှင့် "ရဟန္တာ" ဖြစ်ခဲ့ကြသူများ… ━━━━━━━━━━━━━━━━ ၁။ "သုဒ္ဓေါဒန မင်းကြီး" ━━━━━━━━━━━━━━━━ "မြတ်ဗုဒ္ဓ"-"ဝေသာလီမြို့၊ မဟာဝုန်တော၊ ကူဋာဂါရ ကျောင်း"မှာ သီတင်းသုံးခိုက် "သုဒ္ဓေါဒန မင်းကြီး"ဟာ ထီးဖြူအောက်မှာ "အရဟတ္တဖိုလ်"သို့ ရောက်၍ ပရိနိဗ္ဗာန် စံတယ်။ (ထေရီ-ဋ္ဌ၊ ၁၄၅)'။ သေခါနီး "ထီးဖြူ"အောက် "မင်္ဂလာ အိပ်ရာ"ပေါ်မှာ နေစဉ်မှာပဲ "ရဟန္တာ" ဖြစ်သွားတယ်။ (ဇာ-ဋ္ဌ ၁၊ ၁ဝ၆)။ "မြတ်ဗုဒ္ဓ"ရဲ့ "ငါးဝါ"မြောက်မှာ- (ဘုရားဖြစ်ပြီး ငါးနှစ် အကြာ၊ မြတ်ဗုဒ္ဓရဲ့ သက်တော် ၄ဝ အရွယ်မှာ) "မင်းကြီး"ဟာ "မင်္ဂလာထီးဖြူ"အောက်မှာ "ရဟန္တာ"ဖြစ်ပြီး ထိုနေ့မှာပဲ "ပရိနိဗ္ဗာန်"စံတယ်။ (မဟာဗုဒ္ဓဝင်၊ ၆း၂၊ စာ-၈)။ ━━━━━━━━━━━━━━━━ ၂။ "ဗာဟိယ"(ဒါရု စီရိယ) ━━━━━━━━━━━━━━━━ "ဗာဟိယ တိုင်း"သား ဖြစ်လို့ "ဗာဟိယ"၊ "ချုပ်သီထားတဲ့ သစ်သားပြား"ကို ဝတ်ရုံလို့ "ဒါရုစီရိယ"-လို့ "အမည်(၂)မျိုး" ရှိသူ။ တစ်နေ့ "မြတ်ဗုဒ္ဓ" ဆွမ်းခံ ကြွနေတုန်း မိမိကို တရားဟောဖို့ ဇွဲသန်သန်နဲ့ တောင်းပန်လို့ "မြတ်ဗုဒ္ဓ"က သူ့ကို- -"မြင်ရာ၌ မြင်ကာမျှ ရှုပါ" (ဒိဋ္ဌေ ဒိဋ္ဌမတ္တံ)-လို့ သင်ကြားတယ်။ တရား ဆုံးတာနဲ့ "ရဟန္တာ" ဖြစ်သွားလို့ ရဟန်းပြုခွင့် တောင်းတဲ့အခါ- "မြတ်ဗုဒ္ဓ"ရဲ့ တိုက်တွန်းချက်နဲ့ "သင်္ကန်း,သပိတ်,ပရိက္ခရာ" ရှာဖို့ ထွက်သွားစဉ် - "သားပေါက် နွားမ" ဝှေ့ခံရလို့ လမ်းမှာပဲ ဗာဟိယ- "ပရိနိဗ္ဗာန်"စံတယ်။ (ဥဒါန-ဋ္ဌ၊ ၈၅)။ "မြတ်ဗုဒ္ဓ"က- "ဧဟိ ဘိက္ခု"ခေါ်ပြီး "ရဟန်း"ပြု မပေးတာက- အဲဒီလို ခေါ်ဖို့ "ကောင်းမှုအထူး"မရှိလို့၊ "နွားဝှေ့"ခံရတာက- "အတိတ်ဘဝ ရန် ကြွေး"-ရှိလို့ ဖြစ်ကြောင်း, "ကျမ်းဂန်"မှာ ဆိုပါတယ်။ (ညွှန်းပြီး)။ ဒါကြောင့်- နွားဝှေ့ ခံရခါနီး "နာရီပိုင်း"လေးမှာ "မြတ်ဗုဒ္ဓ"နဲ့ တွေ့ပြီး "ရဟန္တာ ဖြစ် သွားတယ်"-လို့ ယူရင် သင့်ပါတယ်။ ━━━━━━━━━━━━━━━━ ၃။ "သန္တတိ အမတ်" ━━━━━━━━━━━━━━━━ သူက "ကောသလမင်း"ရဲ့ "အမတ်"။ သူ့ကို ဖျော်ဖြေမယ့် "ကချေသည် မိန်းကလေး"ဟာ- "မိမိရဲ့ ကိုယ်ကာယ အလှ"ကို ပြလိုတဲ့အတွက် "တစ် ပတ်"ကြာအောင် အစာမစားဘဲ ဝိတ်လျှော့နေခဲ့ရာ- ပွဲနေ့ကျမှ အစာပြတ်ပြီး သေ ရှာတယ်။ "ကချေသည်မရဲ့ အလှ"ကို မကြည့်လိုက်ရတဲ့ "အမတ်"ခမျာ "သောက" ဖြစ်ပြီး "ဗုဒ္ဓ"ဆီကို ရောက်လာတယ်။ ဒါနဲ့ "မြတ်ဗုဒ္ဓ"က- "အချစ် ပြုစား အစွဲ အား ခွာထား ပထမ။ ချစ်စေး တဏှာ ဝေးအောင် သာ နေပါ ဒုတိယ။ ချစ်စွဲမဲ့စွာ ရုပ်ခန္ဓာ ပူဗျာကင်းဝေးရ"-လို့ ဟောတော်မူတယ်။ "သန္တတိ အမတ်"ဟာ တရားဆုံးတာနဲ့ "လူ့ဘဝ"နဲ့ "ရဟန္တာ" ဖြစ်သွားတယ်။ အဲဒီနောက် "ရဟန္တာ အမတ်ကြီး"ဟာ "မိမိရဲ့ သက်တမ်း"ကို ကြည့်တဲ့ အခါ "မကြာတော့ကြောင်း" သိမြင်လို့- (အတ္တနော အာယုသင်္ခါရံ သြလောကေန္တော တဿ အပ္ပဝတ္တန.ဘာဝံ ဉတွာ) -"ပရိနိဗ္ဗာန် စံပါရစေ"လို့ "မြတ်ဗုဒ္ဓ"ကို လျှောက်တယ်။ (ဓမ္မပဒ-ဋ္ဌ ၂၊ ၄၉)။ ဒီဖွင့်ဆိုချက်အရ- အကယ်၍ "မိမိမှာ သက်တမ်း ရှိသေးရင် ပရိနိဗ္ဗာန်စံ ဖို့ မြတ်ဗုဒ္ဓ ကို မလျှောက်သေးဘူး"-လို့ ပြောင်းပြန် အဓိပ္ပာယ် ယူခွင့် ရှိတယ်။ ━━━━━━━━━━━━━━━━━━ ၄။ "ဥဂ္ဂသေန ဘားကျွမ်းဆရာ" ━━━━━━━━━━━━━━━━━━ "ကချေသည်"နဲ့ အကြောင်း ပါပြီးနောက် "ဘားကျွမ်းဆရာ"တစ်ဖြစ်လဲ သူဌေးသား။ တစ်နေ့- "ရာဇဂြိုဟ်မြို့"တစ်နေရာမှာ ပွဲခင်းခိုက် "ပရိသတ်"က- ဆွမ်းခံကြွလာတဲ့ "မြတ်ဗုဒ္ဓ"နဲ့ "ရဟန်းသံဃာ"ကိုပဲ အာရုံစိုက်တာကို တွေ့လို့ စိတ်မသက်သာ ဖြစ်နေစဉ်- "ဗုဒ္ဓ"က သူ့ကို ဆက်ပြ ခိုင်းတယ်။ ဒါနဲ့- "ဗုဒ္ဓ"နဲ့ "ဗုဒ္ဓပရိသတ်"ပါ မိမိကို အားပေးတယ် အထင်နဲ့ "အတောင် (၆ဝ)မြင့်တဲ့ တိုင်"ထိပ်ပေါ်မှာ ရပ်ပြီး အစွမ်းကုန် ပညာပြဆဲ "မြတ်ဗုဒ္ဓ"က .. "ဖြစ်ပြီး ဖြစ်မှာ ဖြစ်ဆဲသာ ခန္ဓာ မစွဲလမ်း၊ မစွဲခန္ဓာ မွေးသေကွာ သံသာ တစ်ဖက်ကမ်း"-လို့ ဟောတော်မူလိုက်တယ်။ "ဥဂ္ဂသေန"ဟာ တိုင်ထိပ်မှာပဲ "ရဟန္တာ "ဖြစ်သွားတယ်။ "တိုင်"အောက် ရောက်တော့- "ဗုဒ္ဓ"က "ဧဟိ ဘိက္ခု"ခေါ်တော်မူလို့ "ရဟန်း"အဖြစ်ကို ရတယ်။ (ဓမ္မပဒ-ဋ္ဌ ၂၊ ၄၉)။ သူ့မှာ -"ကုသိုလ်ပါရမီ"ရှိတာ၊ -သက်တမ်း မကုန်သေးတာကို သိလို့ "ဗုဒ္ဓ"က အဲဒီလို ဆောင်ရွက်တာ ဖြစ်ကြောင်း မှတ်ယူနိုင်ပါတယ်။ ━━━━━━━━━━━━━━━━ ၅။ "ဘဒ္ဒဇိ လုလင်" ━━━━━━━━━━━━━━━━ "ဘဒ္ဒိယ သူဌေး"ရဲ့သား "ဘဒ္ဒဇိ လုလင်"ဟာ "ဗုဒ္ဓ"ထံမှာ တရားနာရင်း "လူဝတ်"နဲ့ "ရဟန္တာ" ဖြစ်သွားတဲ့အခါ- "ဗုဒ္ဓ"က ဖခင် "သူဌေး"ကို- "သင့်သား ဟာ တရားနာရင်း ရဟန္တာ ဖြစ်သွားပြီ။ ဒါကြောင့် သင့်သားကို ယခုပဲ ရဟန်း ပြုပေးသင့်တယ်။ ရဟန်း မပြုရင် ပရိနိဗ္ဗာန် စံလိမ့်မယ်။" (တေနဿ ဣဒါနေဝ ပဗ္ဗဇိတုံ ယုတ္တံ၊ နော စေ ပဗ္ဗဇတိ၊ ပရိနိဗ္ဗာယိဿတိ)-လို့ မိန့်တော်မူတယ်။ အဲဒီတော့ "သူဌေး"က- "ငါ့သား ဟာ ငယ်ငယ်ပဲ ရှိသေးတာမို့ ပရိနိဗ္ဗာန် မစံသင့်သေးဘူး၊ သား ကို ရဟန်းပြုပေးပါ။" (န မယှံ ပုတ္တဿ ဒဟရေဿဝ သတော ပရိနိဗ္ဗာနေန ကိစ္စံ နတ္ထိ၊ ပဗ္ဗဇေထ နံ)-လို့ လျှောက်တဲ့အတွက်- "မြတ်ဗုဒ္ဓ"က "သူဌေးသား"ကို "ရဟန်း"ပြုပေးလိုက်တယ်။ (ထေရ-ဋ္ဌ ၁၊ ၃၆၅)။ ဒီအဖွင့်ကို ကြည့်ရင်- "ရဟန်း"မပြုရင် "လူဝတ်ကြောင် ရဟန္တာ"ဟာ- "သေကို သေရမယ်"ဆိုတဲ့ အဓိပ္ပာယ်မျိုး ဆိုလိုရိပ် ထင်တယ်။ ဒါပေမယ့်- -"ဘဒ္ဒဇိ လုလင်"မှာ သက်တမ်း ရှိသေးတာ၊ -ဖခင်လည်း သားကို အသက် ရှည်စေလိုတာ ကို သိတော်မူလို့ "မြတ်ဗုဒ္ဓ"က အဲဒီလို မိန့်တာလို့- အေဒီ (၅)ရာစု နောက်ပိုင်းမှာ ရေးဖွယ်ရှိတဲ့ "ထေရဂါထာအဋ္ဌကထာ"ရဲ့ အဆိုကို ဖြည့်ပြီး ယူရင် တော့ ဖြစ်နိုင်တန်ကောင်းရဲ့။ ━━━━━━━━━━━━━━━━ ၆။ "ဝီတသောက လူငယ်" ━━━━━━━━━━━━━━━━ "မဇ္ဈိမနိကာယ်အဋ္ဌကထာ"(မ-ဋ္ဌ ၃၊ ၁၃၆)မှာ "ဝီတသောက"(မောင်မစိုးရိမ်) အမည်ရှိ လူငယ်တစ်ယောက်လည်း "လူဝတ်နဲ့ ရဟန္တာ" ဖြစ် သွားကြောင်း ဖော်ပြတယ်။ ဝတ္ထုဖြစ်ရပ် အကျယ်ကို ရှာမတွေ့သေး။ ("အသောက မင်း"ရဲ့ ညီငယ် "ဝီတသောကမထေရ်"နဲ့ ဒီ"သူငယ်"မတူ။) ━━━━━━━━━━━━━━━━ ၇။ "ယသ မထေရ်" ━━━━━━━━━━━━━━━━ ဗာရာဏသီမြို့သား-"အရှင်ယသ" ဖြစ်လာမယ့် လူငယ် ဟာ အိမ်မှ ထွက်လာပြီး "မိဂဒါဝုန်"ကို ရောက်၊ ဘုရားဖြစ်စ "မြတ်ဗုဒ္ဓ"နှင့် တွေ့၊ တရား နာပြီး "သောတာပန်"ဖြစ်တယ်။ (ဝိ ၃၊ ၂၂)။ "အင်္ဂုတ္တရအဋ္ဌကထာ"(၁၊ စာ-၃၁ဝ)အရ "အနာဂါမ်" ဖြစ်သတဲ့။ (တီဏိ ဖလာနိ ပဋိဝိဇ္ဈိ)။ ဖခင် "သူဌေးကြီး"ကို "မြတ်ဗုဒ္ဓ" တရားဟောနေစဉ် "ယသလူငယ်"က သိပြီးသား တရားကို ဆင်ခြင်ရင်း "ရဟန္တာ" ဖြစ်။ အဲဒီနောက် "ဗုဒ္ဓ"က-"ဧဟိ ဘိက္ခု"-လို့ မိန့်တယ်။ (ဝိ ၃၊ ၂၂-၂၄)။ "သောတာပန်"(သို့မဟုတ်)"အနာဂါမ်"ဖြစ်ချိန်ထိ "ရဟန်းပြုခွင့်"မတောင်းတာကို ထောက်ရင်- "လူဝတ်နဲ့ ရဟန္တာ" ဖြစ်သွားပြီးမှ "ဧဟိ ဘိက္ခု"ခေါ်ခံရတဲ့ သဘောရှိတယ်။ ("ဓမ္မစကြာသုတ်"မှာ "ပဉ္စဝဂ္ဂီဝင် အရှင်ကောဏ္ဍည"ဟာ "ဓမ္မစက္ခု = သောတာပန်"ဖြစ်ပြီးတာနဲ့ "ရဟန်းပြုပါရ စေ"-လို့ တောင်းပန်တာကို သတိပြု။) ━━━━━━━━━━━━━━━━ ၈။ "ခေမာ ထေရီ" ━━━━━━━━━━━━━━━━ "ဗိမ္ဗိသာရရဲ့ မိဖုရား ခေမာ"ဟာ "မြတ်ဗုဒ္ဓ"ရဲ့ တရားအဆုံးမှာ "လူဝတ်နဲ့ ရဟန္တာ" ဖြစ်တယ်။ အဲဒီအခါ "မြတ်ဗုဒ္ဓ"က "ဗိမ္ဗိသာရ"ကို- "မင်းကြီး၊ 'ခေမာ' ဟာ ရဟန်းသော်လည်း ပြု၊ ပရိနိဗ္ဗာန်သော်လည်း စံသင့်တယ်။" (မဟာရာဇ ခေမာယ ပဗ္ဗဇိတုံ ဝါ ပရိနိဗ္ဗာယိတုံ ဝါ ဝဋ္ဋတိ)-လို့ မိန့်ပါတယ်။ "မင်းကြီး"က- "ရဟန်းပြုပါစေ အရှင်ဘုရား၊ ပရိနိဗ္ဗာန်တော့ မစံသင့်ပါဘူး"-လို့ လျှောက်တယ်။ (ဓမ္မပဒ-ဋ္ဌ ၂၊ ၃၄ဝ)။ "မိဖုရားရဲ့ သက်တမ်း မကုန်သေးလို့ မြတ်ဗုဒ္ဓ က ထိုသို့ မိန့်တော်မူတယ်"-လို့ ယူရင် အောက်ပါ အဆိုနဲ့ ထပ်တူ ဖြစ်မယ်။ "ခေမာ မိဖုရား"ဟာ "ရဟန္တာ" ဖြစ်သွားပြီးနောက် "မိမိရဲ့ အာယုသင်္ခါရ" (သက်တမ်း) မကုန်သေးတာကို သိတဲ့အတွက်- "ရဟန်းပြုခွင့်"တောင်း ဖို့ နန်းတော်ကို ပြန်လာစဉ် "ဘုရင်"ကို ရှိမခိုးဘဲ နေတယ်။ "ဘုရင်"ကလည်း "မိဖုရားရဲ့ အမူအရာ"ကို ကြည့်ပြီး သိနေလို့ "ရွှေထမ်းစင်"နဲ့ "ဘိက္ခုနီမ ကျောင်း"ကို ပို့ပြီး "ရဟန်းပြု"စေတယ်။ (အံ-ဋ္ဌ ၁၊ ၂၆၆)'။ ----------------------- "ရှစ်ပါးမျှ" ----------------------- "လူရဟန္တာ ငါးဦးမှာ စံရှာနိဗ္ဗာန်နန်း"-လို့ ဆိုပေမယ့် "ဘုန်းကြီး" လေ့လာမိသမျှ "လူ့အသွင်နဲ့ ရဟန္တာ"ဖြစ်တာ -ယောက်ျား (၇)ဦးနဲ့ -အမျိုးသမီး (၁)ဦး၊ ပေါင်း (၈)ဦး ရှိတယ်။ -တိုက်ရိုက်ဖြစ်စေ -သွယ်ဝိုက် အဓိပ္ပာယ်နဲ့ ဖြစ်စေ ထပ်တွေ့နိုင်ပါသေးတယ်။ အဲဒီတော့ ထပ်ဖြည့်ကြတာပေါ့။ သိထားတဲ့ သူတော်ကောင်းတို့ ထပ်ဖြည့်ပေးနိုင်ရင် ကျေးဇူးတင်မှာပါ။ ----------------------- "အစာနှင့် ဝမ်း" ----------------------- ----------------------- "မိလိန္ဒ" ----------------------- "အရှင်ဘုရား၊ "အရဟတ္တဖိုလ်ကို ရသူဟာ သေလွန်ရသည်"ဆိုရင် "အရဟတ္တဖိုလ်"-ဟာ ငြိမ်းချမ်းပါရဲ့လား" ----------------------- "အရှင်နာဂသေန" ----------------------- "မင်းကြီး၊ လူ့သွင်ပြင်က အားနည်းတဲ့အတွက် လူဝတ်နဲ့ ရဟန္တာ ဖြစ်ရင် ထိုနေ့မှာပဲ ရဟန်း ပြုရင်ပြု၊ မပြုရင် ပရိနိဗ္ဗာန် သော်လည်း စံတယ်။ ဒါဟာ အရဟတ္တဖိုလ်ရဲ့ အပြစ် မဟုတ်ဘူး။ လူ့သွင်ပြင်ရဲ့ အပြစ်သာ ဖြစ်ပါတယ်။ အသက် ရှည်စေတဲ့ အစားအစာ ဖြစ်ပေမယ့်, ဝမ်းမီး မကောင်းလို့ အစာမကြေရင်- အစာရဲ့ အပြစ်မဟုတ်ဘူး။ ဝမ်းမီး အားနည်းခြင်းရဲ့ အပြစ်ပါ။" (မိလိန္ဒ-မြန်၊ ၂၇၅)။ "လူ့ဘဝနဲ့ ရဟန္တာ ဖြစ်သူ"ဟာ "ရဟန္တာ ဖြစ်ခြင်း"ကြောင့် သေတာ မဟုတ်ဘူး။ "ပစ္ဆိမဘဝိက"(နောက်ဆုံး ပဋိသန္ဓေနေသူ) ဖြစ်တဲ့အတွက် ဒီ"ဘဝခန္ဓာ" မကုန်ဆုံးခင် "ရဟန္တာ" ဖြစ်ကို ဖြစ်ရမှာမို့ .. ၁) သေခါနီး အချိန်ကျမှ အရဟတ္တဖိုလ်ကို ရရင် သက်တမ်း ကုန်နေလို့- ၂) ရဟန်းပြုနိုင်ရင် သက်တမ်း မကုန်သေးလို့-ဖြစ်ကြောင်း မှတ်သင့်ပါတယ်။ "အရှင်ကေလာသ" [ဓမ္မာစရိယ၊ B.A(Philo)၊ M.A(Buddhism)] ━━━━━━━━━ မှီခိုရာ ကျမ်းကိုး- ━━━━━━━━━ ("အရှင်ကေလာသ" [ဓမ္မာစရိယ၊ B.A(Philo)၊ M.A(Buddhism)]၏ "ဓမ္မအမေး အဖြေ များ ပေါင်းချုပ်၊ မေးခွန်း အမှတ်-၃၅၀"-မှ) [“မည်သူမဆို…, လွတ်လပ်စွာ ကူးယူ ဓမ္မဒါန ပြု နိုင်ပါသည်။ "ဓမ္မဒါန ပြု မည်"ဆိုပါ လျှင်…, "မူရင်း ဟောကြား/ရေးသားသူ ၏ အမည်"နှင့် "ဓမ္မဒါန ပူဇော်သူ - ကိုညီညီတင်"(ဥာဏ်လင်းမြို့)"-ကို "Credit"-ပေးပါရန် မေတ္တာရပ်ခံအပ်ပါသည်။”] ရေးသားပြီးစီး။ ။ ၁၃၈၀ ပြည့်နှစ်၊ ဒုတိယ ဝါဆိုလပြည့်ကျော်(၃)ရက်နေ့၊(၃၀-၇-၂၀၁၈)ရက်နေ့၊တနင်္လာနေ့။ (နံနက်-၅း၅၅) ချမ်းသာကြပါစေ၊ အေးငြိမ်းကြပါစေ၊ သံသရာ ၀ဋ်ဆင်းရဲမှ လွတ်မြောက်နိုင်ကြပါစေ။ ဘ၀တု သဗ္ဗမင်္ဂလံ Credit: ကိုညီညီတင်(ဥာဏ်လင်းမြို့) ©..........KG