အလင်းရောင် ဓမ္မ: " အရိယာပုဂ္ဂိုလ်ဘယ်လိုရှာမလဲ " 🌷💫💫💫💫💫💫💫💫🌷 သောတာပန် အရိယာ သည် ကာမဂုဏ်`၌ တပ်မက်သော ကာမရာဂ ကိုမပယ်နိုင်သေး။ ထို့ကြောင့်လောကီကာမ ချမ်းသာထက် အဆ ပေါင်းများစွာ သာလွန်သော လောကုတ္တရာ ဓမ္မ ဖလ သမာပတ်ချမ်းသာကို ၀င်စား၍ နေနိုင်ပါလျက် အမြဲ မ၀င်စားပဲ ကာမ ဂုဏ်ချမ်းသာကိုခံစားကြသေးသည်။ ဤသည်မှာ မဟာစည်ဆရာတော်ဘုရားကြီး မိန်ဆို့ချက်ဖြစ်ပါသည်။ မိမိ လေ့လာခဲ့ဖူးသမျှတွင်လည်း ဤကဲ့သို့ ဆရာတော်များ ဆိုမိန့်သည်ကိုလေ့လာမှတ်သားခဲ့ရသည်။ မြတ်စွာဘုရားရှင် သက်တော်ထင်ရှားရှိစဉ်အခါက ကဿပ ရဟန္တာ ကိုယ်တော်မြတ်အား အလုပ်အကျွေးပြုနေသူ ကပ္ပိယသည် "ခုခေတ်မှာ ရဟန္တာ မစဲတမ်းရှိတယ်လို့့သာ ပြောတယ်။ ဘယ်လိုပုဂ္ဂိုလ်က ရဟန္တာ မှန်း ကိုမသိပါဘူး ဘုရား" ဟု အရှင် မြတ်ကို လျှောက်တင်ရာ... ရဟန္တာ ကိုယ်တော်မြတ်က "ကပ္ပိယကြီး ရဟန္တာ ကိုယ်တော်ကို အနား ကပ်ပြီး အလုပ်အကျွေး ပြုနေတာတောင် ရဟန္တာ မှန်း သိဖို့ခက်ခဲတယ် "ဟူ၍ မိန့်တော်မူဖူး၏။ ဤ သည် တိ ု့ကိုထောက်ရှ ူခြင်းအားဖြင့် ရဟန္တာ ကိုပင် မသိနိုင်သော ပုထုဇဉ်များသည် ကာမဂုဏ်အာရုံ ခံစားနေသော သောတာပန် အရိယာကို မည်သို့မှ မသိနိုင်ကြပေ။ ယခုကဲ့သို့သာသနာတွင်းကာလ သာသနာတော် နေလိုလလို ထွန်းတောက်နေချိန်တွင် သောတာပန် သကဒါဂါမ် တို့ ရှိနေမည်ဖြစ်ပြီး ကာမဂုဏ် အာရုံကိုခံစားနေအုံးမည် ဖြစ်လေသောကြောင့် မည်သို့မှ ခွဲခြားသိမြင်နိုင်မည် မဟုတ်ပေ။ သို့သော် အရှင်ကဿပ မထေရ် ကဲ့သို့ပင် အရိပ်အမြွက်သော်မျှ ပြောပြပါလိမ့်မည်။ အသိပညာ ဗဟုသုတ တို့ခေါင်းပါးသော သူတို့သည် အရိပ် အမြွက် မဆိုထားနှင့် အကောင်လိုက် ကိုယ်ထင်ပြသည်ပင် ဘာကောင်မှန်း သိကြမည် မဟုတ်။ အရိယာ တို့မည်သည်မှာ အရိပ်အမြွက်သော်မျှ ပြောကြပါလိမ့်မည်။ သို့ပါသောကြောင့် မိမိ အနီး ပတ်၀န်းကျင် မှ အရိပ်အမြွက်သော်မျှ ပြောလာသူကို လေ့လာ မှတ်သား၍ ဆည်းကပ်ပါမူ အကျိုးထူးတို့ပေးပေလိမ့်မည်။ စော်ကား မော်ကားပြောဆိုမိပါမူ သာမာန်ထက် အကျိုးများစွာ ယုတ်ပေလိမ့်မည်။ သတိထားဆင်ခြင်နိုင်ကြစေခြင်းအကျိုးငှါ တင်ပြလိုက်ရခြင်းသာ ဖြစ်ပါသည်။ 💥💥💥 မေတ္တာဖြင့် #LaWarSo Crd: