အလင်းရောင် ဓမ္မ: ""အလိုမပြည့်စိတ်က ဒုက္ခကို ဖြစ်စေတယ်"" 🙏🙏🙏🙏🙏🙏🙏🙏🙏🙏🙏 တရားချစ်ခင်သူတော်စင်အပေါင်းတို့~ အကိတ္တိရသေ့ကြီးက သိကြားမင်းရဲ့ အမေးတွေထဲက နောက်ထပ်လိုချင်တာ ဆုတစ်ခုကို တောင်းပါတယ်။ ""ခေတ္တံ ဝတ္ထုံ ဟိရညဉ္စ ဂဝါဿံ ဒါသပေါရိသံ။ ယေန ဇာတေန ဇီယန္တိ၊ သော ဒေါသော န မယီ ဝသေ။""တဲ့။ လောကလူတွေက လိုချင်မှုတွေများ တော့ ရှာဖွေကြတယ်၊ ရှာဖွေရင်းနဲ့ဘဲ အလိုမပြည့်နိုင်ကြပါဘူး။ ရှေ့သို့ တိုးပြီး ရှာရင်းနဲ့ဘဲ "လယ်ယာမြေတွေဆုံးရှုံး သွားတယ်၊ အိုးအိမ်စည်းစိမ်ဥစ္စာတွေ ဆုံးရှုံး သွားကြတယ်၊ အလုပ်သမား ကျေးကျွန် ကျွဲနွား တွေဆုံးရှုံးသွားတယ်၊ သားသမီး ဆွေမျိုးတွေဆုံးရှုံးသွားတယ်၊""ဆိုတာတွေ ဟာ ကိုယ့်ရဲ့ အလိုမပြည့်မှု ဒေါသကြောင့် ဖြစ်ပါတယ်တဲ့။ ဒါ့ကြောင့် ဘုရားအလောင်းတော်က ဘယ်တော့မှ ဒေါသရဲ့ အလိုကို မလိုက်ရ ပါရစေနဲ့လို့ ဆုတောင်းပါတယ်။ လူတစ်ဦး ဒေါသဖြစ်ပြီ ဆိုရင် ပထမဦးဆုံး ဆုံးရှုံး သွားရတာက""စိတ်ချမ်းသာမှု"" ပါပဲတဲ့။ ဒေါသဖြစ်နေတဲ့ လူရဲ့ အလှအပ တွေဟာ ဖြစ်နေချိန်မှာ ပျောက်ပျက်နေ ပါတယ်။ ဥပမာ~~~ဒေါသဟာ တောမီးနဲ့အလား သဏ္ဍာန်တူပါတယ်။ တောမီးလောင်သွား ပြီဆိုရင် နေရာတစ်ခုလုံး မဲညစ်ကျန်ခဲ့ တာပါ။ ဒီလိုပါပဲ ဒေါသဖြစ်သွားတဲ့ သူဟာ လည်း အရုပ်ဆိုး အကျည်းတန် ဖြစ်သွား ပါတယ်။ ဒါဆိုရင် အရုပ်တင်ဆိုးသွားတာမဟုတ် ပါဘူး။ ပြောတဲ့စကားတွေကလည်း ရိုင်းစိုင်း ယုတ်မာနေတယ်။ တဆက်တည်းမှာဘဲ ဒေါသဖြစ်နေသူဟာ အဖေအမေသတ်တာမျိုး ဆွေမျိုးမိတ်ဆွေ တွေကို သတ်တာမျိုး နောက်ဆုံးမှာ ကိုယ့်ကိုယ်ကို suicide လုပ်ပြီး သေကြောင်းကြံစည်တဲ့အထိ ဒေါသအရှိန် ဟာ ပြင်းထန်သွားတတ်ပါတယ်။ ဒါ့ကြောင့် အလောင်းတော်က ပြောရာမှာ လူတွေကို ဒုက္ခပေးနေတာဟာ သူတို့ရဲ့ မတော်လောဘတွေနဲ့ မဆင်ခြင်တဲ့ အလိုမပြည့်နိုင်တဲ့ ဒေါသတရားတွေပါလို့ ကိုယ်စီကိုယ်ငှ တရားအသိရကြကာ မိမိတို့ သန္တာန်မှာ လောဘ ဒေါသများ မဖြစ်နိုင် အောင် စောင့်ထိန်းနိုင်ကြပါစေကုန် သတည်း။ ~ပါချုပ်ဆရာတော်ဘုရားကြီးအား ဦးခိုက်ပူဇော်လျှက်~~ CR# နန်း တော်ဝင်မြင့်မိုရ်