အလင်းရောင် ဓမ္မ: `ဆင်းရဲမွဲတေမှု လျှော့ချရေး´ ⛲⛲⛲⛲⛲⛲⛲⛲⛲ (ကောင်းလိုက်တဲ့တရား ၊ ဖတ်ကြည့်ပါ) ❖ မြတ်စွာဘုရားက ပြောပြတယ်။ အပြစ်ကင်းတဲ့ တရားတွေနဲ့ပတ်သက်ပြီးတော့ ဆင်းရဲမွဲတေရင် မကောင်းဘူးတဲ့။ ❖ ကိုယ့်သန္တာန်မှာ ရှိသင့်ရှိထိုက်တဲ့ ဓမ္မအရည်အချင်းတွေ ရှိရမယ်။ ကုသိုလ်တရားတွေ ကိုယ့်သန္တာန်မှာဖြစ်ရမယ်။ ဘာတွေလဲဆိုလို့ရှိရင်.... ❖ သဒ္ဓါ ကံ- ကံ၏အကျိုးကို ယုံကြည်ခြင်းဆိုတဲ့ သဒ္ဓါ၊ ကုသိုလ်ကောင်းမှုအပေါ်မှာ စိတ်ဝင်စားခြင်းဆိုတဲ့ သဒ္ဓါ၊ ဒါ အမှန်တရားပဲလို့ ဆုံးဖြတ်နိုင်ခြင်းရှိတဲ့ သဒ္ဓါ၊ ဒီ သဒ္ဒါဆိုတာ မရှိရင် ဒါ မွဲတာပဲ။ ဆင်းရဲမွဲတေတာပဲ။ ❖ ဘယ်လောက်ပစ္စည်းတွေ ချမ်းသာချမ်းသာ မီလျှံနာ၊ ဘီလျှံနာ၊ ထရီလျှံနာကြီးပဲဖြစ်ဖြစ် ကုသိုလ်နဲ့ပတ်သက်ပြီးတော့ သဒ္ဓါတရားမရှိဘူးဆို ဒီကောင် အမွဲပဲ။ ❖ ဒီကနေ့ သူဌေး၊ မနက်ဖြန် လူမွဲ၊ နောက်တစ်ရက် ငရဲပဲ။ ဒီလိုသွားတာ။ ↔ နောက်တစ်ခုက ဘာတုန်းဆို " ဟီရ်ိနဲ့သြတ္တပ္ပ " ဟီရိဆိုတာ မရှိရင် မဟုတ်တာလုပ်ရမှာ မရှက်ဘူး။ မဟုတ်တာကို မရွံဘူး။ ↔ကာယဒုစရိုက်၊ ဝစီဒုစရိုက်၊ မနောဒုစရိုက် အကုသိုလ်အလုပ်တွေနဲ့ ပတ်သက်ပြီး အရှက်မဲ့တာ၊ မရွံမုန်းတာ။ ↔သြတ္တပ္ပဆိုတာ မရှိရင် အကုသိုလ်တွေကို မကြောက်တာ၊ ဒုစရိုက်တွေကို မကြောက်တာ။ အဲဒီတော့ အကုသိုလ်ကို မရှက်ဘူး၊ မကြောက်ဘူး၊ မရွံဘူးဆိုတဲ့ ပုဂ္ဂိုလ်တစ်ယောက်ဟာ ... အကုသိုလ်ကို လုပ်တာပေါ့။ ↔အဲဒီတော့ ဟီရိသြတ္တပ္ပဆိုတာ သူ့မှာမရှိသည့်အတွက်ကြောင့် ဒီလူကလည်းပဲ မွဲတေခြင်းပဲ။ ✔နောက်တစ်ခုက အကုသိုလ်တွေ ဖယ်ရှားပြီးတော့ ကုသိုလ်တွေ ကိုယ့်သန္တာန်မှာ တည်ဆောက်နိုင်တဲ့ ရအောင်လုပ်နိုင်တဲ့ " ဝီရိယ "ဆိုတာ ကိုယ့်မှာ မရှိဘူး။ မရှိသည့်အတွက်ကြောင့် ကုသိုလ်မရဘူး။ မရတော့ သူလည်း မွဲတာပဲ။ ↔နောက်တစ်ခုက " ပညာ " ပညာဆိုတဲ့ အသိပညာ မရှိသည့်အတွက်ကြောင့် ကုသိုလ်ရအောင် မလုပ်နိုင်ဘူး။ မလုပ်နိုင်သည့်အတွက်ကြောင့် အဲဒီပုဂ္ဂိုလ် ကုသိုလ်မရတော့ မွဲပြန်တာပဲ။ ↔ဒါကြောင့်မို့လို့ ကုသိုလ်နဲ့ ပတ်သက်တဲ့ အရေးကြီးတဲ့`သဒ္ဒါ၊ ဟီရိ၊ သြတ္တပ္ပ၊ဝီရိယ၊ ပညာ´ ဒီတရားတွေ ရှိရမယ်။ ↔ဒီတရားတွေ မရှိလို့ရှိရင် ဒီပုဂ္ဂိုလ်ဟာ .... ကုသိုလ်ဆိုတဲ့ ရတနာတွေ မရဘူး။ ဒီတရားတွေ မရှိလို့ရှိရင် ကုသိုလ် မရှိဘူး။ ✔ မြတ်စွာဘုရားက ဥစ္စာဓနဆင်းရဲမွဲတေမှုဟာ တစ်ဘဝသာ ခံရတယ်။ ကုသိုလ်ရေးနဲ့ပတ်သက်တဲ့ ... သဒ္ဒါ၊ ဟီရိ၊ သြတ္တပ္ပ၊ဝီရိယ၊ပညာ လို့ဆိုတဲ့ ကုသိုလ်တွေနဲ့ပတ်သက်လာတဲ့ ... ဒီမွဲတေမှုက ပိုပြီးတော့ အရေးကြီးတယ်လို့ ပြောတာ။ တကယ့်ကို အရေးပါတဲ့ အရာတစ်ခုဖြစ်တယ်။ ↔မြတ်စွာဘုရားက သမာပတ္တိသုတ်မှာဆိုရင် ဘယ်လိုဟောထားတုန်းဆိုလို့ရှိရင်.... သဒ္ဓါတရားရှိနေသမျှ ကာလပတ်လုံး အကုသိုလ်ဆိုတာ မဖြစ်ဘူး။ ဟီရိဆိုတာ ရှိနေသမျှ ကာလပတ်လုံး သြတ္တပ္ပဆိုတာ ရှိနေသမျှ ကာလပတ်လုံး ဝီရိယဆိုတာ ရှိနေသမျှ ကာလပတ်လုံး ပညာဆိုတာ ရှိနေသမျှ ကာလပတ်လုံး အကုသိုလ်ဆိုတာ မဖြစ်ဘူး။ ✔သဒ္ဓါ တရားမရှိရင် အဿဒ္ဓိယ. မယုံကြည်မှုဆိုတာ လွှမ်းမိုးလာတာနဲ့ တစ်ပြိုင်နက် အကုသိုလ်တွေ ဖြစ်လာပြီသာ မှတ်ပေတော့။ ✔ဟီရိမရှိရင် အဟီရိကဆိုတဲ့ .... အရှက်မဲ့မှုအကုသိုလ် လွှမ်းမိုးလာတယ်။ ✔သြတ္တပ္ပမရှိရင် အနေတ္တပ္ပဆိုတဲ့ ... အကြောက်အလန့်မရှိတဲ့ သဘာဝတရား လွှမ်းမိုးလာတယ်။ ✔ဝီရိယမရှိဘူးဆိုရင် ပျင်းရိမှုဆိုတာ လာတယ်။ ✔ပညာမရှိဘူးဆိုရင် ဒုပ္ပည ပညာကင်းမဲ့လာတယ်။ ❖ အဲဒါတွေ လာပြီဆိုလိုက်တာနဲ့ အကုသိုလ်တွေ ဖြစ်ပြီလို့သာ မှတ်လိုက်ပေတော့။ ↔အကုသိုလ်တွေ ဖြစ်ပြီဆိုကတည်းက အခွင့်အရေးတွေ အများကြီး ဆုံးရှုံးသွားပြီ။ မြတ်စွာဘုရားက ဒီလိုဟောတာ။ ❖ ဒါကြောင့်မို့ ဆင်းရဲမွဲတေမှုကို လျှော့ချ လျော့ပါးအောင် ဆောင်ရွက်ရမယ်။ ↔ဘုန်းကြီးတို့တစ်တွေ .... တစ်ခဏ ပစ္စည်းဥစ္စာ ဆင်းရဲမွဲတေတာကို အဓိက မထားလေနဲ့။ ↔ကိုယ့်သန္တာန်မှာ.... အခုပြောတဲ့ သဒ္ဓါတို့၊ ဟီရိတို့၊ သြတ္တပ္ပတို့၊ဝီရိယတို့၊ ပညာတို့ ဆိုတဲ့. ကုသိုလ်တရားတွေ ရှိရဲ့လားဆိုတာ ကိုယ့်ကိုကိုယ် ဆန်းစစ်ဖို့ လိုတယ်။ ↔မရှိဘူးဆိုတဲ့ အဖြေထွက်လာရင် ရှိအောင်လုပ်ဖို့ပဲ။ ရှိတယ်ဆိုတဲ့ အဖြေထွက်လာရင် ခိုင်မာအောင်ကြိုးစားဖို့ပဲ။ ဒီနှစ်ခုဟာ လုပ်ကိုလုပ်ရမယ့် ကိစ္စတွေပဲ။ ↔ လောကမှာ .... ပကတိစည်းစိမ်ဥစ္စာဓန မရှိရင် ပြဿနာမျိုးစုံတက်လာရသလိုပဲ.. ❖ ကုသိုလ်တရားတွေနဲ့ ပတ်သက်ပြီး သဒ္ဒါ၊ ဟီရိ၊ သြတ္တပ္ပ၊ဝီရိယ၊ပညာ လို့ဆိုတဲ့ ဒီတရားတွေ မရှိလို့ရှိရင်လည်း ဆင်းရဲမွဲတေမှုတစ်မျိုးပဲ။ ❖ ဒါကြောင့် တို့သန္တာန်မှာ ဆင်းရဲမွဲတေမှု မဖြစ်စေရအောင် ဒီတရားတွေကိုယ့်သန္တာန်မှာ ထူထောင်ပေးကြရမှာဖြစ်တယ်လို့ ကိုယ်စီကိုယ်စီ သဘောကျပြီးဒီတရားတွေ ချမ်းသာကြွယ်ဝလာအောင် ကြိုးစားအားထုတ်နိုင်ကြပါစေကုန်သတည်း။ သာဓု....သာဓု......သာဓု။ 【ဆရာတော်ဒေါက်တာအရှင် နန္ဒမာလာဘိဝံသ】 Credit : Win Soe ⛲ဓမ္မဒါန ပူဇော်ပါသည်⛲ ⛲စိုးဝင်းကျော်(ယိုးဆနွင်း)⛲