အလင်းရောင် ဓမ္မ: မှားတဲ့မေးခွန်းကိုမေးလျင် 🙏🙏🙏🙏🙏🙏🙏 မွေးနေ့အနုမောဒနာ - အပိုင်း(၄) 🎂 ပဋိစ္စသမုပ္ပါဒ်ရဲ့ အတွေးအခေါ်အရကတော့ အရာရာဆက်စပ်နေတယ်၊ အဲဟာလေးကို positive thinking ပိုပြီးခိုင်မာအောင် ကိုယ့်အခန်းကဏ္ဍနဲ့။ တခါတခါ အဲစိတ် မဖြစ်ဘူး။ မိုင်းဖုန်းဆရာတော်ကြီးပြောသလို ❝စိတ်ထားမှန်ရင် စိတ်ထားကောင်းရင် ပြဿနာမရှိဘူး။ စိတ်ထားမမှန်ရင် နေရာတိုင်းမှာ ပြဿနာရှိတယ်။❞ ဆိုပြီး အဲဒီလင်္ကာလေး ရှမ်းလင်္ကာလေး နေရာတိုင်းမှာ သင်ပေးတယ်။ 🎂 အဲဒါ စိတ်ထားမှန်တယ် မမှန်ဘူးဆိုတာ ဒီဟာကြီးကတော့ သူက စွဲချင်သလို စွဲလို့ရတာပေါ့။ ဒီနေရာမှာ ဘုန်းဘုန်းက ဘယ်လိုစွဲမှာတုန်းဆိုတော့ ဒီ မွေးနေ့ပွဲ လုပ်တဲ့နေရာမှာ တကယ်လို့ ဘုန်းဘုန်းက င့ါ အခန်းကဏ္ဍက အရေးကြီးတယ် ငါ ထည့်လိုက်တယ်ဆိုရင် ဘာနဲ့တူတုန်းဆို လက်ငါးချောင်း။ 🎂 ဒီ လက်မက သူက အသန်မာဆုံး သူက အရေးပါးဆုံးဆိုပြီးတော့ သူ့ကိုယ်သူ နောက်ပြီးတော့ နှလုံးသားနဲ့အနီးဆုံးတဲ့။ လက်ညှိုးကပြောတယ် “ဟေး စကားမများနဲ့ တစ်ခုခုလိုအပ်တယ်ဆိုရင် သူများကို အမိန့်ပေးနိုင်တာ လက်မ မဟုတ်ဘူး။” လက်မထောင်တာ တခါခါမှ အလုပ်လုပ်လို့ အဆင်ပြေတဲ့အခါမှ လူတွေက လက်မထောင်တာ။ 🎂 လိုအပ်တဲ့နေရာမှာ လိုအပ်တဲ့လူတွေကို ကိုယ်လိုအပ်တဲ့အတိုင်းဖြစ်အောင် ခိုင်းနိုင်တာက ဒီလက်ညှိုးပဲရှိတယ်။ လက်ညှိုးက ပိုပြီးတော့ အရေးပါပါတယ်။ လက်မနဲ့လက်ညှိုးနဲ့ ရန်ဖြစ်တာ။ 🎂 အဲဒါကို ကြားတဲ့အခါက လက်ခလယ်က လုံး၀မခံနိုင်ဘူး။ “အရေးပါတာ ဒါကြည့် ဘယ်သူက အမြင့်ဆုံးတုန်း။” မြင့်တာ နိမ့်တာ မြင့်တယ်ဆိုတာက သူက အရေးပါတာ ပြောတာ။ လူကြီးက မြင့်တယ် ရာထူးမြင့်တယ် ကံဇာတာမြင့်တယ်။ လက်ခလယ် သူက အမြင့်ဆုံး အရေးပါဆုံး သူက claim လုပ်ပြန်တယ်။ 🎂 ဒီသုံးချောင်းစလုံး ဘယ်သူမှ အချင်းချင်း သဘောမတူဘူး။ အချင်းချင်းက သူ့ဟာနဲ့သူ ငါ ငါ ဆိုပြီး လုပ်တယ်။ အဲဒါနဲ့ လက်သူကြွယ်ကလည်းပဲ သူလည်း အားကျမခံ “ရတနာရှိရင် ဘယ်မှာထားတုန်း ဘယ်မှာစွပ်တုန်း။” ဒီမှာပဲ စွပ်တယ်။ အဲဒါပြောတာ “လူ့တန်ဖိုးဆိုတာ အဲဒါ ပြောတာ။ စကားသိပ်မများနဲ့” ဆိုပြီးတော့ အရင်သုံးချောင်းကို ပါးစပ်ပိတ်တယ် လက်သူကြွယ်က။ 🎂 လက်သန်းက သေးလည်းသေးတယ် တိုလည်းတိုတယ်ဆိုတော့ သူများထက်အားလည်းငယ်တယ် အားလည်း သူများလောက်မကောင်းဘူးဆိုတော့ သူ့ဟာသူ စဉ်းစားနေတယ် ဒီလူတွေ အဲလိုပြောတယ် ဒီလက်ချောင်းက အဲလိုပြောတယ် ငါ့ကို မခံချင်အောင် သူငယ်ပြီးတော့ မခံချင်ဘူး သူထပြောတယ်။ “ဘုရားရှိခိုးတဲ့အခါ ကျုပ်ရှေ့ကပါ” 🙂 🎂 လက်ငါးချောင်းစလုံး ကိုင်တဲ့အခါ အားရှိတာ။ “သမဂ္ဂေါ သမ္မောဒ မာနော အဝိ၀ဒမာနော” ဝိနည်းတော်ထဲမှာ အမြဲတမ်း မြတ်စွာဘုရား။ ဒါ ပရိတ်သတ်လေးပါးရဲ့ feature အသွင်အပြင် သူလိုချင်တဲ့ပုံစံ နံပါတ်(၁)က #သမဂ္ဂေါ၊ နံပါတ်(၂)က #သမ္မောဒမာနော၊ နံပါတ်(၃)က #အဝိ၀ဒမာနော။ ဒါ မြတ်စွာဘုရားစကားမို့ လိုက်ပြီးတော့ ဆိုနော် လက်အုပ်လေးချီ လေးလေးစားစား။ သမဂ္ဂေါ (သမဂ္ဂေါ) သမ္မောဒ မာနော (သမ္မောဒ မာနော) အဝိ၀ဒမာနော (အဝိ၀ဒမာနော) သာဓု သာဓု သာဓု။ 🎂 #သမဂ္ဂေါ - ဆိုတာ ညီညွတ်တာ ညီညွတ်တယ်၊ #သမ္မောဒမာနော - ဆိုတာ မုဒိတာ ဖြစ်တာ စိတ်ထဲမှာ ၀မ်းမြောက်၀မ်းသာဖြစ်တာ ပီတိဖြစ်တာ။ #အဝိ၀ဒမာနော - ဆိုတာ စကားမများတာ။ ဒီလက်ငါးချောင်းလို စကားမများဘူး။ လုပ်စရာရှိတယ်ဟေ့ဆိုရင် သူက ညီညီညွတ်ညွတ်လည်း လုပ်တယ် လုပ်တဲ့နေရာမှာလည်း အင်္ဂလိပ်တွေပြောသလို job satisfaction ။ 🎂 Job satisfaction ဆိုတာက ကိုယ်တဲ့အလုပ် ကိုယ် စိတ်ပျော်တယ်။ “သမဂ္ဂေါ သမ္မောဒမာနော အဝိ၀ဒမာနော” ဘုန်းဘုန်း တစ်ခါတစ်ခါ စဉ်းစားတယ် ညီညွတ်ရေးက အရင်လာရမှာလား၊ ဒါမှမဟုတ် ၀မ်းသာတဲ့စိတ်က အရင်လာရမှာလား၊ ဒါမှမဟုတ် စကားမများတာ အရင်လာရမှာလား။ စကားမများနဲ့ကွာ နားငြီးတယ်။ စကားများတာကို ပိတ်လိုက်ရင် စိတ်ပျော်ရွှင်မှုအတွက်က ပိုဖြစ်လွယ်တယ်ထင်တယ်။ တခါတခါ အဲလိုတွေးတယ်။ 🎂 တခါတခါကျ မဟုတ်ဘူး။ ညီညွတ်တဲ့ပုဂ္ဂိုလ် ညီညွတ်တဲ့လူတွေမှာ အလွယ်တကူ ပီတိဖြစ်နိုင်တယ်။ အဲလိုလည်း တွေးမိပြန်ရော။ တခါတခါကျတော့ စိတ်ထဲမှာ ပီတိဖြစ်တတ်တဲ့ ပုဂ္ဂိုလ် ကိုယ့်ဟာကိုယ်ကြည့်ပြီးတော့ ဂုဏ်ယူစရာရှိရင် ဂုဏ်ယူတတ်တဲ့ ပုဂ္ဂိုလ်က သမ္မောဒမာနော အဲ အရည်အသွေးရှိတဲ့ ပုဂ္ဂိုလ် စကားပြောတာ အဆင်ပြေတယ် သမဂ္ဂ။ အဝိ၀ဒမာနော တော်ရုံတန်ရုံစကားမများတော့ဘူး။ ဒီလိုလည်း ဖြစ်နိုင်တယ်ထင်တယ်။ 🎂 အဲဒါနဲ့ နောက်ဆုံးကျတော့ ဘုန်းဘုန်းက ဘယ်လိုကောက်ချတုန်းဆိုတော့ ဒီသုံးခု သူက level တူတူပဲ။ ဘယ်ကနေ စမယ်ဆိုတာပဲ။ စချင်တဲ့နေရာကစ #သမဂ္ဂ ကနေ စမှာလား၊ #အဝိ၀ဒမာန ကနေစမှာလား၊ #သမ္မောဒမာနော က စမလား။ စကားမများတာက စမှာလား၊ ၀မ်းမြောက်၀မ်းသာဖြစ်တတ်တဲ့အကျင့်ကနေ စမှာလား၊ ဒါမှမဟုတ် ညီညီညွတ်ညွတ်တိုင်ပင်တတ်တဲ့ အကျင့်ကနေ စမှာလား။ 🎂 စချင်ရာစ သူက “သီလ သမာဓိ ပညာ” နဲ့ တူတူပဲ။ ဝိသုဒ္ဓိမဂ်က သီလကထာကနေ စတယ်။ မဂ္ဂင်ရှစ်ပါး သူရဲ့ origin က #ပညာကနေ စတယ်။ သီလက နံပါတ်နှစ်၊ သမာဓိက နောက်ဆုံး။ တချို့ သုတ္တံတွေထဲမှာ “သမာဟိတော ယထာဘူတံ ပဇာနာတိ” သမာဓိရှိတဲ့အခါကျမှာ ပညာဖြစ်တာတဲ့ အဲလိုလည်း ဆိုပြန်တယ်။ 🎂 ဒါဖြင့် ဒါတွေဟာ contractation မဖြစ်ဘူးလား စာပေစကား နည်းနည်းပြောတာနော်။ တရားနာပရိတ်သတ် တချို့အတွက် အားနာပါတယ်။ ဒါပေမဲ့ ဘုန်းဘုန်းတို့ ဒီနေရာမှာ မနေ့ကမှာ တမြန်နေ့ကမှ conference လုပ်သွားတယ်ဆိုတော့ အဲဒီအရှိန်လေးနည်းနည်း ခု စာသံပေသံ နည်းနည်းပေါက်နေတယ်။ ခါတိုင်း တရားဟောရင် ဒီလို မလုပ်ပါဘူး။ မနက်ဖြန်ကစပြီး မလုပ်တော့ပါဘူး 🙂 🎂 နောက်ဆုံးတော့ အဲဒီ “သီလ သမာဓိ ပညာ” ကို ဘုန်းဘုန်းက ဘယ်လိုကောက်ချက်ချတုန်း မြတ်စွာဘုရား ဓမ္မစကြာ၊ စကြာဆိုတာ ရှိတာပဲ ဒီလို အဝိုင်းကိုပြောတာ။ အဲဒီအဝိုင်းက သူရဲ့ လက်တံ ၈-ခု ဘယ်ကနေစတယ်ဆိုတာ အရေးကြီးဆုံး မဟုတ်ဘူး လက်တံရှစ်ခုစလုံး ရှိဖို့က အရေးကြီးတယ်။ 🎂 လက်တံ ရှစ်ခုစလုံးက ပြိုင်တူ ညီတူညီမျှ integrate လုပ်တာပေါ့နော်။ ညီတူညီမျှ အလုပ်လုပ်ဖို့က အရေးကြီးတယ်။ အဲဒါကြောင့် ခေါင်းဆောင်က အရေးကြီးတယ် နောက်လိုက် အရေးကြီးတယ်ဆိုတဲ့ အဲဒီ statement တွေ အဲလို အဆိုတွေက အရမ်းကြီး အထောက်အကူမဖြစ်ဘူး integrate ဖြစ်တဲ့ဟာ။ 🎂 သမထ ဝိပဿနာဆိုရင်လည်း ဒီနှစ်ခုစလုံး integratedly ဒီနှစ်ခုလုံးပေါင်းစပ် ပြီးတော့ အလုပ်လုပ်တဲ့ဟာ။ ဒီလက်တစ်ဖက်ဆိုရင်လည်း ဒီငါးချောင်းစလုံး intregrate လုပ်ပြီးတော့လုပ်တယ်။ ဒီငါးချောင်းထဲမှာ ဒီတစ်ချောင်းက အကြောညှပ်နေတယ်ဆိုရင် သိသာတယ်၊ နှစ်ချောင်းညှပ်တယ်ဆိုရင် ပိုတောင် သိသာသေးတယ်။ 🎂 လက်တစ်ချောင်း အရိုးကျိုးသွားတဲ့သူဆို ငါးချောင်းစလုံးကို impact ဖြစ်တယ် သူက။ အကျိုးသက်ရောက်မှုရှိတယ်။ ဒါကြောင့် ဒီ လက်ချောင်းငါးချောင်း ဘယ်တစ်ချောင်းက အရေးပါတယ်ဆိုတဲ့ မေးခွန်းက It’s the wrong question. မှားတဲ့မေးခွန်းဖြစ်ပါတယ်။ မေးခွန်းက မှားတဲ့အခါကျတော့ ဘယ်လိုအဖြေပဲပေးပေးမှားတဲ့ အဖြေပဲရမယ်။ ကျေးဇူးတော်ရှင်အောက်စဖို့ဒ်ဆရာတော်ဒေါက်တာဓမ္မသာမိ 🙏🙏🙏 (၁၄.၁၁.၂၀၁၈) နေ့တွင် ကျင်းပသော ဆရာတော်ဘုရား၏ (၅၄)နှစ်ပြည့် ဝိဇာတမွေးနေ့ အလှူတော်မင်္ဂလာ ညချမ်းအထူးတရားပွဲတွင် ဟောကြားတော်မူသော မွေးနေ့အနုမောဒနာ တရားတော်မှ ရေးသားပူဇော်ပါသည်။ Transcribed #ThazinHtike . . https://ift.tt/30yjhw5 https://ift.tt/2vV1p2i