အလင်းရောင် ဓမ္မ: နှစ်သစ်ကိုဘယ်လိုကြိုဆိုကြမလဲ? ▬▬▬▬▬▬▬▬▬▬▬▬▬▬▬ ★ ဒီနေ့ည...ကုန်ဆုံးပြီးတော့ ည ၁၂နာရီထိုးတာနဲ့ နှစ်သစ်ကူးပြီ။ နှစ်သစ်ကူးကို လူတွေကြိုဆိုကြမယ်၊ ကြိုဆိုဖို့ အသင့်ဖြစ်ကြပြီလား? နာရီကတော့ သူ့ဟာသူ သွားနေတယ် ဘယ်သူကြိုဆို မကြိုဆို သူက ဂရုမစိုက်ဘူး။ ★ ဒီနာရီ အချိန်ကသွားနေတယ်။ ၂၀၂၀ ခု သူ့ဟာသူရောက်လာမယ် ပြီးရင်း သူ့ဟာသူကုန်သွားပြီးတော့၂၀၂၁ သူ့ဟာသူရောက်လာမယ် နောက်နှစ်ဒီအချိန်။ ပြီးရင် ၂၀၂၂ ပြီးရင်၂၀၂၃။ ★ ဒီလိုပဲ သက္ကရာဇ်တစ်ခုပြီးတခု ပြောင်းသွားတယ် ပြောင်းသွားတဲ့အချိန်မှာ ပျော်ရွှင်သော နှစ်သစ်ကူးဖြစ်ပါစေ Happy New Year ဆိုပြီးတော့ တစ်ယောက်ကိုတစ်ယောက် ဆုတောင်းကြတယ်။ အဲဒီလို ဆုတောင်းပေးတာလည်း မနည်းတော့ဘူး။ ဒီလိုပဲ နှစ်တိုင်းဆုတောင်းကြတယ်။ ★ တချို့ဆုတောင်းသံတွေ မကြားမှာစိုးလို့ မီးပုံတွေ မီးပန်းတွေ အကျယ်ကြီးဖောက်တယ်လေ။ အိပ်လို့တောင်မရဘူး။ ဒီည ပြင်ထားတယ် အိပ်လို့ရချင်မှရမယ်။ ★ တချို့ကျတော့ ရောက်လာမယ့်နှစ်သစ်ကို ကြိုဆိုရမှာ စိတ်ထဲမှာကြောက်လန့်နေလို့ အရက်တွေသောက်ပြီးကြိုဆို။ ဘယ်အချိန် ပထမဆုံး နှစ်သစ်ရဲ့ နေရောင်ခြည် ထွက်လာမှန်းမသိဘူး။ အရက်မူးပြီး အိပ်ပျော်နေလို့။ ★ တချို့ကျတော့ နှစ်သစ်ကူးရောက်တော့ရောက်လာတယ် ၂၀၂၀ ဂဏန်းကတော့ ရောက်လာတယ်။ ဒါပေမဲ့ စိတ်က ၂၀၁၉ မှာရှိနေသေးတယ် ၂၀၁၈မှာရှိသေးတယ် ၂၀၁၇မှာ ရှိနေသေးတယ်။ ဒါကြောင့် မြတ်စွာဘုရားရဲ့ဗုဒ္ဓတရားတော်ကို ယူပြီးတော့ ဘုန်းဘုန်းက ခေတ်နဲ့အညီ ပြောပြတာ။ ★ အနာဂတ်ကို ကောင်းကောင်းကြိုဆိုနိုင်ဖို့အတွက် ရောက်နေတဲ့ပစ္စုပ္ပန်ကို အပြည့်အ၀အသုံးချဖို့အတွက်ဆိုရင် အတိတ်ကာလနဲ့ ရင်ကြားစေ့ရမယ်၊ မိမိရဲ့ အတိတ်ကာလ။... ★ နှစ်ဟောင်းမှာရှိခဲ့တဲ့ စိတ်ဒဏ်ရာဒဏ်ချက်တွေကို အသိအမှတ်ပြုပါ၊ အဲဒါကို လက်ခံပါ။ အဲဒါကို လက်ခံတဲ့နေရာမှာ အဲဒီ နာကျင်မှုကို လက်ခံတဲ့နေရာမှာ စိတ်က ဘယ်လိုပြုမှုတတ်တုန်းဆိုတော့ စိတ်က နံပါတ်(၁) သူများကို အပြစ်တင်တတ်တယ်၊ အဲလိုမလုပ်ဘူးဆိုရင်... နံပါတ်(၂) မိမိကိုယ်ကို အပြစ်တင်တတ်တယ်။ ဒီနှစ်ခုပဲ ဒါပဲရှိတာ။ ★ သူများကို အပြစ်တင်တယ်ဆိုရင် ဒေါသဖြစ်တယ်၊ မိမိကိုယ်ကို အပြစ်တင်တယ်ဆိုရင် ၀မ်းနည်းတယ်။ ဒေါသဖြစ်တာလည်း ဒေါသပဲ၊ ၀မ်းနည်းတာလည်းပဲ ဒေါသပဲ အဘိဓမ္မာသဘောတရားအရ။ ★ သူက မပျော်ရွှင်မှုကြီးရဲ့ အရင်းအမြစ် ရေသောက်မြစ်၊ "အကုသလမူလ"လို့ခေါ်တဲ့ ဟေတုပစ္စယောဆိုတာ ဒါလေးပဲ။ Negative ဖြစ်တဲ့ စိတ်ရဲ့အရင်းအမြစ် စိတ်ရဲ့ရေသောက်မြစ်က မပျော်ရွှင်တဲ့အရင်းအမြစ်က ပျော်ရွှင်တဲ့ အပင် အသီးတွေကို မပေးနိုင်ဘူး။ ★ ဒါကြောင့် #နှစ်ဟောင်းက နာကျင်တဲ့ မပျော်ရွှင်တဲ့ စိတ်ပျက်တဲ့ ဒေါသဆိုတဲ့ “အကုသလမူလ” တွေ ဖြစ်ခဲ့တယ်ဆိုရင် အဲဒီ "အကုသလမူလ"က အကုသိုလ်ရဲ့ အရင်းအမြစ်က #နှစ်သစ်မှာ ပျော်ရွှင်တဲ့ အသီးတွေ အပွင့်တွေ မပေးနိုင်ပါဘူး။ ★ ဒါကြောင့် မိမိရဲ့ရင်ထဲမှာရှိနေတဲ့ shortcoming ဆိုတာ ချို့ယွင်းချက်တွေ disappointment စိတ်ပျက်မှုတွေ အလိုမကျမှုတွေ အဲဒီဟာတွေကို သူ့အရှိကို အရှိအတိုင်း လက်ခံလိုက်တာ။ 🍃 #အရှိကိုအရှိအတိုင်းလက်ခံလိုက်တဲ့အခါမှာ #လက်ခံတာက #သတိတရား၊ #သတိဆိုတာ #ကုသိုလ်တရား။ 🔺 ပထမဦးဆုံး စဖြစ်တာတော့ ဒါကတော့ အကုသိုလ်စဖြစ်တာ စိတ်ပျက်မှုဆိုတဲ့ အကုသိုလ် အားမရမှုဆိုတဲ့ အကုသိုလ် မကျေနပ်မှုဆိုတဲ့ အကုသိုလ်။ 🔺အဲဒီ အကုသိုလ်ကို ကိုယ်ကြည့်တာ မှန်မှန်ကန်ကန် right attitude သတိနဲ့လက်ခံလိုက်တယ်၊ နောက်ပြီးတော့ ဒီလိုဖြစ်တတ်တယ်၊ ငါတစ်ယောက်တည်းမကဘူး၊ တစ်ကမ္ဘာလုံးမှာ ဒီလိုပဲ စိတ်ပျက်မှုတွေကြုံတွေ့ရတယ် နောင်လည်းကြုံတွေ့ကြရမှာ၊ ရှေးတုန်းကလည်း ဒီလိုပဲ သူများတွေ ကြုံတွေ့ကြရဖူးပြီ။ ★ အဲဒီလို ငါတစ်ယေက်တည်းဆိုပြီးတော့ မလုပ်ဘဲနဲ့ "အဇ္ဈတ္တံ ဝါ" မိမိလည်းဒီလို နှစ်ဟောင်းမှာ နာကြင်မှုတွေ အလိုမပြည့်မှုတွေ စိတ်ပျက်မှုတွေ ရှိခဲ့တယ် သူများတွေလည်း ရှိခဲ့တယ် "ဗဟိဒ္ဓါ ဝါ" သူများလည်းရှိခဲ့တယ်။ ★ အဲဒီလို မျှမျှတတ balance view ကြည့်တယ်ဆိုရင် အဲ့စိတ်ပျက်မှုကိုကြည့်ပြီးတော့ ကုသိုလ်တောင်ဖြစ်သေးတယ်။ နာကျင်မှုကို အကြောင်းပြုပြီးတော့ ကုသိုလ်တောင်ဖြစ်သေးတယ်။ ★ ဒါကြောင့် နာကျင်မှုကနေ နာကြည်းမှုမဖြစ်အောင်၊ နာကျင်မှုကနေ ကြင်နာမှုဖြစ်အောင် အဲဒါလေး ဘုန်းဘုန်းက ဒီနေရာပြောချင်တယ်။ ★ ကြင်နာမှုဖြစ်သွားရင် သူက positive ဖြစ်သွားပြီ။ အဲဒါကြောင့် အတိတ်ဖြစ်တဲ့ #နှစ်ဟောင်းကို positive အမြင်နဲ့ ကြည့်နိုင်တယ်ဆိုရင်၊ ရောက်လာမယ့် #နှစ်သစ်ကိုလည်းပဲ positive အင်အားနဲ့ ကြိုဆိုနိုင်ပါတယ်။ ★ လူအများစုကတော့ စိတ်ပျက်တဲ့ဟာ အလိုမကျတဲ့ဟာ ဒီအတိုင်းပဲ ကြည့် ဒီဟာလေးကိုပဲ တဝဲ၀ဲလည်လည် စဉ်စား တခါတခါကျ သိစိတ်နဲ့ တခါတခါကျ မသိစိတ်နဲ့ အဲဒါတွေစဉ်းစား၊ စဉ်းစားပြီးတော့ တဝဲလည်လည်နေတယ်။ 🔺လည်နေတယ်ဆိုရင် အဲဒီ negative emotion က လေးလံတဲ့စိတ်ခံစားမှုက ဦးဏှောက်ကိုလည်းပဲ negative ဖြစ်စေတယ်။ ★ ဦးဏှောက်ထဲမှာ အင်အားကောင်းတဲ့ positive neurons တွေကို မဖြစ်စေဘူး။ ဦးဏှောက်က positive neurons မဖြစ်စေတဲ့အခါကြတော့ ဦးဏှောက်ကနေပြီးတော့ comment ပေးတယ် အမိန့်ပေးတယ်။ ★ တကိုယ်လုံးက nerve system အဲဒီ ရုပ်ပသာဒတွေလည်းပဲ သူက ကုသိုလ်ရဲ့အထောက်အပံ့ကို မရဘူး။ စိတ္တဇရုပ်လို့ခေါ်တာပေါ့ ကောင်းမွန်းတဲ့ စိတ္တဇရုပ်ကို မရဘူး ကုသိုလ်ကနေလာတဲ့ စိတ္တဇရုပ်ကို မရဘူး။ အကုသိုလ်ကနေလာတဲ့ စိတ္တဇရုပ်ပဲသူရတယ်။ အဲဒါကြောင့် အရေးကြီးပါတယ်။ ★ #နှစ်ဟောင်းမှာရှိတဲ့ #အလိုမပြည့်မှုတွေ၊ #စိတ်ဓာတ်ကျမှုတွေ၊ အငြင်းအခုံဖြစ်တာတွေ အဲဒီဟာတွေကို တည်ငြိမ်တဲ့စိတ်နဲ့ ထွက်သက်၀င်သက်ကို ဖြေးဖြေးအေးအေး သက်သက်သာသာ ရှုရှိုက်ပြီးတော့ ပြန်လက်ခံ... ပြန်လက်ခံ... ★ အဆုတ်က အောက်စီဂျင် ကောင်းကောင်းရတယ်ဆိုရင် တကိုယ်လုံးမှာရှိတဲ့ သွေးလွှတ်ကြောကနေ သွေးတွေကလည်းပဲ အောက်စီဂျင်အပြည့်အ၀ရတဲ့ သွေးတွေနဲ့ တကိုယ်လုံးကို supply လုပ်တဲ့အခါကျတော့ ဖြည့်ဆည်းတဲ့အခါကျတော့ ဒီရုပ်တရားက ကျန်းမာတဲ့ရုပ်တရားဖြစ်မယ်။ 🧘🏻‍♂️🧘🏻‍♀️ဒါကြောင့် အာနာပါန ထွက်လေ၀င်လေနဲ့ နှစ်အဟောင်းကို နှုတ်ဆက်ပါ။ 🧘🏻‍♂️🧘🏻‍♀️ထွက်လေ၀င်လေအပြည့်နဲ့ သတိတရားနဲ့ နှစ်သစ်ကို ကြိုဆိုပါ။ ❌ မေ့မေ့လျော့လျော့နဲ့ ယစ်ယစ်မူးမူးနဲ့ နှစ်ဟောင်းကို နှုတ်မဆက်ပါနဲ့၊ နှစ်သစ်ကိုလည်းပဲ အဲဒီလို မကြိုဆိုပါနဲ့။ 🍃#နှစ်ဟောင်းကိုလည်း #မုဒိတာနဲ့ကြည့်နိုင်ပါစေ။ 🍃#နှစ်သစ်ကိုလည်း #မုဒိတာနဲ့ကြိုဆိုနိုင်ကြပါစေ။ ကျေးဇူးတော်ရှင်အောက်စဖို့ဒ်ဆရာတော် ပါမောက္ခဒေါက်တာဓမ္မသာမိ 🙏🙏🙏 “နှစ်ဟောင်းနှင့်နှစ်သစ် – Old and New Embrace the Year Mindfully and Positively (31-12-2016)” တရားတော် မှ ကောက်နှုတ်ရေးသားပူဇော်ပါသည်။ (သက္ကရာဇ်များ update လုပ်ထားပါသည်။) photo credit #SSBU