အလင်းရောင် ဓမ္မ: သမာဓိရလာရင်တကယ်ထူးခြားတယ် ________________________ မြတ်စွာဘုရားရဲ့တရားတော်ဟာ ဘုမသိ, ဘမသိ မထင်မရှား တရားမဟုတ်ဘူး.... လယ်ပြင်မှာ ဆင်သွားသလိုထင်ရှားတယ် "သမာဓိ"ရရင်ရမှန်း သိပ်ထင်ရှားတာပဲ ။ ပီတိ , ပဿ ဒ္ဓိ တွေကိုတစ်ဖျဉ်းဖျဉ်းနဲ့ဖြစ်လာတာ..."သမာဓိ" ရလာရင် စိတ်ကိုချမ်းသာလာတာ.… ဝိပဿနာဉာဏ်ကသိသာထင်ရှားတယ် ။ ဝိပဿနာဉာဏ်တက်လာရင်လောဘ.ဒေါသတွေ လျော့သွားတယ်.. လောကီအလုပ်တွေကိုအားမကျတော့ဘူး ။ ဝိပဿနာဆိုတာထူးခြားတယ် ။ တစ်ကယ်ထူးခြားလာရင်တကယ် "အပျက်"တွေကိုမြင်လာတယ်...ပါးစပ်ကဆိုတဲ့ "အပျက်"မဟုတ်ဘူး ပိုင်ပိုင်နိုင်နိုင်သိတဲ့ "အပျက်".. မှတ်လိုက်တိုင်း "ရိပ်ကနဲ""ရိပ်ကနဲ" ပေါ်နေတာကိုသိနေတယ်... သဲကမ်းပါးကြီးများပြိုသလိုလိုတွေ့နေရတယ် ။ တစ်ချို့ကလည်း မိုးတွေရွာသလိုမျိုး တစ်ဝုန်းဝုန်းနဲ့တွေ့တတ်တယ် ။ တစ်ယောက်နဲ့တစ်ယောက်မတူဘူး ။ မိုးသီးမိုးပေါက်တွေကိုရေတွက်နိုင်ပါ့မလား? "အပျက်"တွေကိုအဲ့ဒီလိုသိလာတာ.. "သမာဓိ"နဲ့ယှဉ်တဲ့ပုဂ္ဂိုလ်ဆိုရင် အဲ့ဒီလိုသိရုံတင်မကဘူး...မြင်သလို,ကြားသလို ပါဖြစ်လာတယ် ။ အသံတွေပါကြားလာတယ် ။ ခန္ဓာကိုယ်ထဲမှာ ရေတွေ ထည့်လှု ပ်သလိုမြင်တတ်တယ် ။ လူတိုင်းကြားရမယ်လို့မဆိုလိုဘူးနော် ။ အဲ့ဒီလို ကြားရမှ "အပျက်မြင်တယ်လို့ပြောတာမဟုတ်ဘူးနော်" "သမာဓိ"အားကောင်းတဲ့ပုဂ္ဂိုလ်တွေမှာ အဲ့ဒီလိုအမြင်,အကြားတွေရတတ် တယ်လို့ပြောတာ ။ သူမြင်တယ်ဆိုတာနတ်တွေ ဘိုးတော်တွေကိုမြင်တာမဟုတ်ဘူး ။ ခန္ဓာကိုယ်ရဲ့သဘောတွေကိုမြင်တာ ။ အဲ့လိုမြင်တဲ့အခါကျတော့ပျက်နေတယ်ဆိုတာ ဒီလိုပါလားလို့ နှစ်နှစ်ကာကာ သဘောပေါက်တယ်... ကိုယ့်ခန္ဓာကိုယ်အကြောင်းလည်းသိရော တစ်လောကလုံးအပျက်ချည်းပဲ ဘာမှအသုံးမကျဘူးဆိုတာသိလာတယ် ။ ဘာမှမမက်မောတော့ဘူး... မဂ်ဉာဏ် ဖိုလ်ဉာဏ် ရတယ်ဆိုတာ အဲ့ဒီလို မမက်မောလို့ရတာ... ။ ( မြစိမ်းတောင်ဆရာတော် အရှင်ဇာနေယျ ) Credit : Original Uploader