အမြဲနှလုံးသွင်းရမယ့် တရား (၅)မျိုး 🌳🍃🌳🍃🌳🍃🌳🍃🌳🍃🌳 ငါ အိုရဦးမယ်။ ဒါလဲအမြဲသတိပေးရမှာ.. ငါအိုရဦးမယ်။ ဘာဖြစ်လို့လဲဆိုတော့ ဒို့က သူများအိုတာသာ သိတာကွဲ့။ ကိုယ်အိုတာကို မေ့နေတယ်။ မေ့တတ်လွန်းလို့ သတိပေးရတယ်။ ငါအိုရဦးမယ်..။ ဒါပြီးတော့ နောက်ထပ်ဆင်ခြင်ရမှာက အင်း.. ငါ အအိုကမလွတ်သေးဘူး။ မေ့တတ်လွန်းလို့ .. အမြဲဆင်ခြင်ပါ။ ဒုတိယကျတော့ .. ငါနာရဦးမယ်။ ဒါလည်း ကိုယ့်ကိုယ်ကိုအမြဲတမ်းသတိပေးနေရမယ်တဲ့။ ဘာဖြစ်လို့တုန်း။ သူများနာတာတွေတာ သိနေတာ။ ကိုယ်နာတာတော့ မေ့နေသနော်။ သူများနာမှာတွေသာကြည့်နေတာ။ ကိုယ်နာမှာကျ သတိမရဘူး။ ကိုယ့်ကိုယ်ကိုအမြဲတမ်းအကောင်းချည်းပဲထင်နေတာ။ ဒါလည်း အမြဲတမ်းသတိပေးရမှာတဲ့ဗျ။ အဲသလို သတိပေးရင်း.. အင်း ငါအနာကမလွတ်သေးပါလား။ အဲသလိုထပ်စဉ်းစားရမယ်တဲ့ဗျ။ ပြီးတော့ တစ်ခါ တတိယကျတော့ ငါသေရဦးမယ်။ ဘာဖြစ်လို့တုန်း... ဒို့က သူများသေမှာသာ လျှောက်စဉ်းစားနေတာ..။ ကိုယ်သေမှာကို ဘယ်နခါစဉ်းစားမိလို့တုန်း။ မေ့လွန်းလို့ မေ့လွန်းလို့။ သေမှာလည်း မေ့လွန်းလို့ ဒါလည်း အမြဲသတိပေးနေရမယ်တဲ.ဗျ။ နံပါတ် ၄ ကျတော့ ငါ့မိဘ ဆွေမျိုး ညီကို မောင်နှမ ငါ့အပေါင်းအသင်းတွေနဲ့ သေကွဲဖြစ်ဖြစ် ရှင်ကွဲဖြစ်ဖြစ် ကွဲဦးမှာ။ စဉ်းစားထား။စဉ်းစားထား။ အမြဲတမ်းဒီလိုချည်း နေရမယ်များ ထင်သလား။ သေကွဲလည်း သူက ခွဲထားခဲ့မှာလည်း ရှိသလို ကိုယ်ကခွဲထားခဲ့မှာလည်း ရှိတယ်။ သူခွဲထားခဲ့တာရှိသလို ကိုယ်ကခွဲထားခဲ့တာလည်း ရှိမှာနော်။ ကွဲရမှာနော်။ ကွဲရမှာ ခင်ဗျားတို့။ ဒီတိုင်းအမြဲနေရလိမ့်မယ်များ ထင်မနေနဲ့။ သေကွဲလည်းကွဲနိုင်တာပဲ။ ရှင်ကွဲလည်း ကွဲနိုင်တာပဲ။ အိမ်ထောင်ရက်သားကျလို့ သူ့ရွာ ကိုယ့်ရွာ ပါသွားကျတာတွေလည်း အများကြီးပဲ။ ဒါလည်း အမြဲစဉ်းစားရမှာ။ ဘာဖြစ်လို့တုန်း မကွဲခင်က ခွဲမထားရင် ကွဲတဲ့အခါကျတော့ ဆတ်ဆတ်လူးမယ်နော်။ မကွဲခင်က ခွဲထားလို့ရှိရင် ကွဲတော့ မတုန်လှုပ်ဘူး။ မကွဲခင်က ခွဲထား။ မကွဲခင်ကတွဲနေမိရင် ကွဲတဲ့အခါ ဆတ်ဆတ်လူးမယ်နော်။ ခွဲတော.့ခွဲကြရမယ်။ သေကွဲလား? ရှင်ကွဲလား? ဒါပဲကွာမယ်။ သူကထားခဲ့မှာလား? ကိုယ်ကထားခဲ့မှာလား?ဒါပဲကွာတယ်။ ထားတော့ ထားခဲ့မှာချည်းပဲ။ ထားခဲ့တာတွေလည်း ရှိလောက်ပါပြီ ခုချိန်ဆို။ အဖေတွေထားခဲ့တာ.. အမေတွေထားခဲ့တာ ခုကတည်းကစလောက်ပြီ။ ညီတွေထားခဲ့တာ၊ အကိုတွေထားခဲ့တာ၊ ညီမတွေထားခဲ့၊ အစ်မတွေထားခဲ.တာ ခုကတည်းကရှိလောက်ပြီ။ ကိုယ်ကလည်း နောက်သူများကိုထားခဲ့ရဦးမယ်။ တွဲနေရတုန်းကတည်းက ကွဲအောင်လုပ်ထား။ ကွဲလို့ မကွဲတဲ့အခါကျရင် သေမှ ပြန်တွဲမယ်နော်။ ပြန်ပြီးအစွဲနဲ. အိမ်ခင်အိမ်၊ မိသားစုစွဲ မိသားစု ၊ ပြိတ္တာဘ၀နဲ့ရောက်တာ ပြန်တွဲတာပြောတာ။ စွဲမိစွဲရာ ပြိတ္တာဘ၀နဲ့ နေကြရဦးမယ်။ အိမ်စွဲတဲ့ပုဂ္ဂိုလ် အိမ် မကျွတ်မလွတ်နဲ့နေရမယ်။ ပြန်ပြီးတော့ ဒီအိမ်ပဲ ပြန်တွဲမယ်..။ ငြိနေတာ ပြန်တွဲနေတာမဟုတ်ဘူးလား။ ငြိနေ တွဲနေမှာပေါ့။ခွဲရတယ်ဆိုတည်းက ကိုယ်ပစ္စည်းဟုတ်လို့လား? မဟုတ်လို.လား?။ မဟုတ်လို့ခွဲရတာပေါ့။ မဟုတ်လို့ခွဲရတာ..ဟုတ်ရင် မခွဲရဘူး။ အဲတော့ ကိုယ့်ကိုယ်ကိုပြန်ပြီးတော့ စာရင်းစစ်ကြည့်ပါတဲ့။ အဲတော့ နံပါတ် ၅ က ငါ့အတွက် ဘာရှိသလဲဆိုတော့ ကံအမွေပဲရှိတယ်။ ကံအမွေကတော့ ကိုယ်သွားရာပါလိမ့်မယ်.. ခွဲထားခဲ့ရမှာလား။ သွားရာပါမှာ။ ကိုယ်သေလို့ သားတွေ သမီးတွေကလိုက်မယ်ထင်လား..။ လိုက်မှာ ဘယ်သူတုန်း .. ကံအမွေပဲဗျ........။ ကိုယ့်ကံအတိုင်းသွားရမှာ။ ငရဲသွားမယ့် ပုဂ္ဂိုလ်ကို ဘုရား၀င်တားလို့မရဘူး။ သိကြား၀င်တားလို့မရဘူး။ နတ်ပြည်တက်မယ့် ပုဂ္ဂိုလ်ကို ဘုရား၀င်ဆွဲချလို့မရဘူး။ သိကြား၀င်ဆွဲချလို့မရဘူး။ ကိုယ့်ကံအတိုင်းသွားကြရမှာ။ မေ့မေ့ကြီးနဲ့ဒီတိုင်း.နေရင် ဆိုးကံပစ်ချရာခံရမယ်နော်။ ငါ သေရဦးမယ် ဆင်ခြင်ပါ။ ငါ အသေမလွတ်သေးဘူး..ဆင်ခြင်ပါ။ မဟာဗောဓိမြိုင်ဆရာတော်ကြီး 🙏🙏🙏🙏🙏🙏🙏🙏🙏 credit : Original Uploader

via အလင္းေရာင္ ဓမၼ https://ift.tt/34jB8bO