အသပြာတစ်ထောင်ပုံမှန်လှူသူ ………………………………………………… တရားစစ်သူကြီး အရှင်သာရိပုတ္တရာရဲ့ မျိုးရိုး ဟာ ဘုရားရှင်ကို ကိုးကွယ်တဲ့ မျိုးရိုးမဟုတ်ပါဘူး " နိဂဏ္ဌ"တွေကို ကိုးကွယ်တဲ့ သူတွေ ဖြစ်ပါတယ်၊ ဒါကို အရှင်သာရိပုတ္တရာမထေရ်မြတ်က တစ်ဦး ချင်းစီ သာသနာတော်အတွင်း ရောက်အောင် လုပ် ဆောင်နေပါတယ်။ ဒီလို လုပ်ဆောင်တဲ့အထဲမှာ အရှင်မြတ်ရဲ့ ဦးလေးတစ်ယောက်လည်း ပါဝင်ပါတယ်။ သူက ဗြဟ္မာပြည်ရောက်အောင် ဆိုပြီး နိဂဏ္ဌ တွေကို လစဉ်လတိုင်း အသပြာတစ်ထောင် လှူဒါန်းနေ ပါတယ်။ ဒီလုပ်ရပ် အကျိုးရှိ၊ မရှိ သိရအောင်ဆိုပြီး အရှင်မြတ်ကြီးက သူ့ဦးလေးကို ဘုရားရှင်ထံ ခေါ်လာခဲ့ပါတယ်။ မြတ်စွာဘုရားရှင်က ဒီလို အနှစ်တစ်ရာပေးလှူနေတာထက် ကြည်ညိုသော သဒ္ဓါတရားဖြင့် သံဃာတော်များကို ဖူးရခြင်း၊အနည်းငယ်မျှ လှူဒါန်းရခြင်းက ပို၍ အကျိုးကြီး မားတယ်ဟု ဟော်တော်မူပါတယ်။ မြတ်စွာဘုရားရှင်၏ တရားတော်ကို နာကြား ပြီးတဲ့နောက်မှာတော့ ပုဏ္ဏားကြီးလည်း သောတာ ပန်တည်သွားပါတယ်။ အရှင်သာရိပုတ္တရာအရှင် မြတ်ရဲ့ ဦးလေးကို အကြောင်းပြုပြီးတော့ ဘုရား ရှင်ကိုယ်တော်မြတ်ကြီးက အောက်ပါဂါထာကို ဟောကြားတော်မူပါတယ်။ မာသေ မာသေ သဟေဿန၊ ယော ယဇေထ သတံ သမံ။ ဧကဉ္စ ဘာဝိတတ္တာနံ၊ မုဟုတ္တမပိ ပူဇယေ။ သာယေဝ ပူဇနာ သေယျော၊ ယဉ္စေ ဝဿသတံ ဟုတံ။ အနက်အဓိပ္ပာယ် လစဉ် လတိုင်း အသပြာတစ်ထောင် တစ်ထောင် အကုန်ခံလျက် သီလမရှိသူတို့အား အနှစ်တရာ ပတ်လုံး လှူခြင်းထက်၊ သီလ သမာဓိရှိသူအရိယာ တစ်ယောက်အား တန်ဖိုးအနည်းငယ် မျှရှိသော လှူဖွယ်ဝတ္ထုတို့ကို တစ်ကြိမ်တစ်ခါမျှ လှူရခြင်း ဟူသော အလှူ (၂)မျိုး တို့တွင် အရိယာပုဂ္ဂိုလ် အား အနည်းငယ်မျှ တစ်ကြိမ်တစ်ခါမျှ လှူဒါန်းရ သော ကုသိုလ်ကောင်းမှုသည် သာလွန်၍ မွန်မြတ် လှပေ၏။ (သဟဿဝ်၊ သာရိပုတ္တတ္ထေရသ မာတုလဗြာဟ္မဏ ဝတ္ထု) သဗ္ဗဒါနံဓမ္မဒါနံဇိနာတိ Credit: to ဘဝလမ်းပြ ဓမ္မပဒ အရှင်သောဘိတ (ဓမ္မရတနာ) တရားစာအုပ်မှ ရေးသားပူဇော်ပါသည်။

via အလင္းေရာင္ ဓမၼ https://ift.tt/34YPMGx