ပညာရှာရင်း ကုသိုလ်ရှာပါ။ ဥစ္စာရှာရင်း ကုသိုလ်ရှာပါ။ ••••••••••••••••••••••••••••• ကိုယ်ရှာထားတဲ့ ဥစ္စာ သံသရာမှာမပါဘူး။ ကိုယ်ရထားတဲ့ ရာထူး သံသရာမှာ မထူးဘူး။ ကိုယ်တတ်ထားတဲ့ပညာ သံသရာမှာ ဗလာပဲ။ ကုသိုလ်ရှိမှ သံသရာအထိ ပါမှာ။ ကုသိုလ်ပါမှ သံသရာမှာ မနာမှာ။ လောကသားတွေရဲ့ လောကအရှိ တရားတွေဆိုတာ ဒီဘဝအတွက်ပဲ။ ဒါတောင် အမြဲမဟုတ်ဘူး။ တဒင်္ဂပဲ။ အချိန်မရွေး ပျောက်ပျက်သွားနိုင်တယ်။ လောကပညာရပ်လည်း တစ်ဘဝပဲ။ ရာထူးပါဝါလည်း တစ်ခဏပဲ။ စည်းစိမ်ဥစ္စာလည်း အချိန်အခိုက်အတံ့ပဲ။ ဒါတွေ တအားရှိနေလို့လည်း သိပ်ပြီးမောက်မာနေဖို့ မရှိဘူး။ ခဏအရှိအပေါ် ဓမ္မအသိ ချော်ရင် ဘဝအတိ မပျော်နိုင်ဘူး။ တစ်ချို့က တဒင်္ဂအရှိတရားတွေအပေါ် အသိတရားတွေ ချော်ပြီး ငွေရှိတဲ့သူက လည်း ငွေကြောင့်မောက်မာတယ်။ ရာထူးအာဏာရှိတဲ့သူကလည်း ရာထူး အာဏာကြောင့် မောက်မာတယ်။ ဂုဏ်ရှိတဲ့ သူကလည်း ဂုဏ်ကြောင့် မောက်မာတယ်။ လောကအရှိတရားဆိုတာ ဘယ်လောက်ပဲ ရှိရှိ ဒီဘဝအတွက်ပဲ အသုံးတည့်တာ။ ဒါတောင် အချိန်မရွေး ပျက်စီးတာတွေ ရှိတတ်တော့ ဒီဘဝမှာတောင် မသေချာဘူး။ အဓိကက ကုသိုလ်ရှိရမှာ ကုသိုလ်ပါရမှာ။ ဒီဘဝ အရှိတရားကို အသုံးချပြီး သံသရာ ကုသိုလ်အဖြစ် ထုတ်ယူသွားရမှာ။ လောကပညာက ယူသွားလို့ မရဘူး။ ပညာဒါန ကုသိုလ်ကပဲ ယူသွားလို့ရတယ်။ လောက ရာထူးဌာနန္တရတွေက ယူသွားလို့ မရဘူး။ ရာထူးရှိခိုက် အများအကျိုး ဆောင်ရွက်နိုင်မှုကပဲ ယူသွားလို့ရတယ်။ ပိုင်ဆိုင်ထားတဲ့ စည်းစိမ်ဥစ္စာတွေက ယူသွားလို့မရဘူး။ စည်းစိမ်ဥစ္စာကို ရင်းပြီး ဒါနအလုပ် အနှစ်ထုတ်ခြင်းကပဲ ယူသွားလို့ ရတယ်။ ဒါကြောင့် ဘယ်လောက်ပဲရှိရှိ ဘယ်လောက်ပဲမြင့်မြင့် ဘယ်လောက်ပဲ ကျော်ကျော် ကုသိုလ် အဖော်မပါရင် အားလုံးက တစ်ခဏ ဒီဘဝ အတွက်မျှသာ ဖြစ်တယ်ဆိုတာ မမေ့ပါနဲ့။ ပညာရှာရင်း ကုသိုလ်ရှာပါ။ ဥစ္စာရှာရင်း ကုသိုလ်ရှာပါ။ မနာပဒါယီဆရာတော် အရှင်ဝိစိတ္တ္တ

via အလင်းရောင် ဓမ္မ https://ift.tt/2ZTwG5W